Pra heta kiraŭnik krainy zajaviŭ učora, 9 studzienia, na cyrymonii ŭručeńnia premii «Za duchoŭnaje adradžeńnie».
«Treba spynić usialakija chadžeńni pa mirnych, spakojnych, čystych vulicach (chtości ich prybiraje, chtości zabiaśpiečvaje hety śviet). Treba prosta spynić usialakija razmovy ab suvierenitecie i niezaležnaści. Treba spynić razmovy ab tym, što chto-niebudź choča «zdradzić» i zdać Biełaruś. Moža, chtości i choča … Ale nie pieršy prezident, jaki hetuju krainu budavaŭ», — skazaŭ Łukašenka.
Mahčyma, kiraŭnik krainy mieŭ na ŭvazie akcyi, skiravanyja suprać h.zv. pahłyblenaj intehracyi, što prajšli ŭ Minsku 7,8, 20, 21 i 29 śniežnia. Pa ich vynikach kala dziasiatka čałaviek byli asudžanyja na sutki, u tym liku Pavieł Sieviaryniec, Aleś Čacholski, Dzianis Urbanovič, Jaŭhien Afnahiel dy inšyja atrymali pa 15 sutak aryštu, a dziasiatki aktyvistaŭ, u tym viadomyja dziejačy (napr. mastak Aleś Maračkin) — niemałyja štrafy. Tak tolki ŭčora ahulnaja suma štrafaŭ pieravysiła 34 tysiačy rubloŭ. Ludziej aštrafavali ad 540 da 1620 rubloŭ.
Kamientary