Čakajecca, što 32 samaloty F-35A razam z łahistyčnymi i navučalnymi pakietami abyducca Varšavie ŭ 4,6 miljarda dalaraŭ, piša ria.ru.
Polskaje kiraŭnictva nadaje vialikaje značeńnie hetaj uhodzie. Ministr abarony Maryjuš Błaščak niekalki razoŭ jeździŭ u ZŠA asabista damaŭlacca pra pastaŭki. Na cyrymonii padpisańnia budzie prysutničać prezident krainy Andžej Duda.
«Havorka idzie pra toje, kab mahčymy supiernik razumieŭ sutnaść taho, što kali jon napadzie na našu baćkaŭščynu Polšču, to sustreniecca z rašučym supracivam, tamu što heta ŭzbrajeńnie taki adkaz moža zabiaśpiečyć», — zajaviŭ Błaščak.
Pieršapačatkova dziarždepartamient i kanhres ZŠA ŭchvalili prodaž Polščy 32 samalotaŭ F-35 na sumu 6,5 miljarda dalaraŭ. Paśla šerahu pieramovaŭ canu ŭdałosia źmienšyć.
F-35 pryjduć na źmienu źniščalnikam MiH-29 savieckaj vytvorčaści, jakija dahetul na ŭzbrajeńni VPS Polščy. U rasparadžeńni polskich vajennych takich mašyn da 30 štuk. Za paŭtara hoda ŭ avijakatastrofach byli stračanyja try mašyny. Adzin piłot zahinuŭ.
Kamientary