ŭ Kitajskaj Narodnaj Respublicy stavicca opiera pavodle pracy Marksa «Kapitał».
Jak vyśviatlajecca, siarod tvorcaŭ nie tolki «Lapis Trubiackoj» padniaŭ na ščyt pracu Karła Marksa «Kapitał». Brytanskaja hazieta «Dejli Telehraf» paviedamlaje, što
ŭ Kitajskaj Narodnaj Respublicy stavicca opiera pracy Marksa «Kapitał».
Opiera budzie iści ŭ Šanchai, a stavić jaje viadomy režysior Chi Nijan. U svaim intervju kitajskaj haziecie Wen Hui Bao Chi Nijan zaznačyŭ, što niahledziačy na toje, što ideju i mietady adaptacyi litaraturnaha tvoru dla opiery jon pieraniaŭ u bradviejskich mjuzykłaŭ, ale ŭ svajoj pastanoŭcy jon nie maje namieraŭ adchilacca ad Marksavaj daktryny. Na dumku režysiora, opiera — adno novy sposab rastłumačyć kitajcam pieravahi kamunistyčnaj idei. Dziela hetaha režysior navat zaprasiŭ ekanamista ź miascovaha ŭniviersitetu: hladzieć, kab siužetny vyhin nie adchilaŭsia ad Marksavaj linii.
«Kapitał» — histaryčnaja i fiłasofskaja praca pra raźvićcio kapitalistyčnych uzajemaadnosin. Karł Marks pry dapamozie Frydrycha Enhielsa publikavaŭ jaje pamiž 1867 i 1895. Kniha stała narožnym kamianiom kamunistyčnaj ideałohii, natchniŭšy rasijskuju i kitajskuju revalucyi.
Chi Nijan admoviŭsia raskryć libreta opiery, ale raspavioŭ, što jana zasiarodzicca na harotnym stanie pracaŭnikoŭ na zavodzie, jakija prychodziać da ŭśviedamleńnia, što pracadaŭcy ich ekpłuatujuć. Pavodle siužetu, marksisty raskryvajuć vočy pracaŭnikam na dadatkovuju vartaść, ale nie ŭsich heta pierakonvaje. Kali niekatoryja paŭstajuć suprać ekspłuatataraŭ, a druhija adčyniajuć prafsajuzy, dyk bolšaść pa-raniejšamu hibieje pad kapitalistyčnym pryhniotam. Režysior nie dadaŭ, ci skončycca heta chepi endam, to bok, kančatkovaj pieramohaj kamunizmu.
Dadamo tolki, što režysior Chi Nijan najpierš viadomy svaimi pastanoŭkami batalnych scenaŭ z užyvańniem bajavych adzinaborstvaŭ, tamu kitajskich amataraŭ opiery, peŭna, čakaje nadzvyčajnaje vidovišča.
-
U Vialikaj Bierastavicy źnieśli ŭnikalny zajezny dvor XIX stahodździa. Na ścianie z savieckich časoŭ visieła šylda «achoŭvajecca zakonam»
-
Minkultury raskazała pra sproby viartańnia biełaruskich kaštoŭnaściaŭ, stračanych padčas vojnaŭ
-
U siecivie źjaviŭsia pieršy vialiki albom vielikodnych śpievaŭ na rodnaj movie. Pasłuchajcie
Ciapier čytajuć
Ministr kultury vyciahnuŭ u efir čarhovaha Astapa Bendara. I heta stała apošniaj kroplaj: suprać hetaha fiermiera-chvalka vystupiła siamja22
Kamientary