Miaśnikovič zabraŭ u Maskvu samuju stylnuju čynoŭnicu krainy
Biełaruskija čynoŭniki Andrej Klec i Ija Małkina stali pamočnikami staršyni Kalehii Jeŭrazijskaj ekanamičnaj kamisii (JEEK) Michaiła Miaśnikoviča. Dadzienuju infarmacyju tut.by paćvierdzili ŭ pres-słužbie JEEK.
Były premjer-ministr Biełarusi i kiraŭnik Savieta Respubliki Michaił Miaśnikovič uznačaliŭ JEEK 1 lutaha. Hetaja struktura kaardynuje ŭsiu pracu ŭ Jeŭrazijskim ekanamičnym sajuzie. Štab-kvatera JEEK znachodzicca ŭ Maskvie.
Pa słovach krynicy tut.by, raz JEEK uznačaliŭ pradstaŭnik Biełarusi, to «było čakana, što jon padciahnie da siabie ŭ kamandu biełarusaŭ, jakich niadrenna viedaje».
17 sakavika Ija Małkina pakinuła pasadu pieršaha namieśnika staršyni dziaržkancerna «Biełdziaržcharčpram» i palacieła ŭ Maskvu.
Ija Małkina skončyła jurydyčny fakultet BDU (1997), a taksama Akademiju kiravańnia pry prezidencie (2000). Pracavała ŭ Departamiencie humanitarnaj dziejnaści pry prezidencie, u Ministerstvie sielskaj haspadarki, Ministerstvie pryrodnych resursaŭ.
Jana — žonka Viktara Kučynskaha. Były paplečnik Alaksandra Łukašenki niekali prasłaviŭsia tym, što sabraŭsia z hranatamiotam u rukach abaraniać kiraŭnika krainy.
Jana była adnoj z aŭtarak knihi «Finansavaja dyjeta», jakaja vyjšła pad redakcyjaj kolišniaha pamočnika prezidenta ŭ pytańniach ekanomiki Kiryła Rudaha i była ŭspryniataja jak manifiest libieralna nastrojenaj častki čynavienstva.
Iju Małkinu nazyvajuć samaj stylnaj čynoŭnicaj najvyšejšych šerahaŭ. Sapraŭdy, chto jašče advažvaŭsia apranać rvanyja džynsy ci chipstarskija akulary?
Namieśnik staršyni Bresckaha abłvykankama Andrej Klec pajechaŭ na pracu ŭ JEEK trochi raniej. Da hetaha jon bolš za 5 hadoŭ adkazvaŭ za raźvićcio pramysłovaści ŭ rehijonie.
Dziadok patłumačyŭ, čamu vyzvalili mienavita tych palitviaźniaŭ, kaho vyzvalili24
Kamientary