Minkult šukaje kandydaturu na pasadu hiendyrektara Nacyjanalnaha teatra opiery i baleta.
Ciapier idzie pošuk kandydatury na pasadu hienieralnaha dyrektara Nacyjanalnaha akademičnaha Vialikaha teatra opiery i baleta.
Pra heta paviedamiŭ 26 sakavika na pres‑kanfierencyi ŭ Minsku namieśnik hałoŭnaha dyrektara pa tvorčych i ideałahičnych pytańniach Nacyjanalnaha akademičnaha Vialikaha teatra opiery i baleta Valeryj Hiedrojc.
19 studzienia ab zychodzie z pasady kiraŭnika teatra baleta abviaściŭ Valancinaŭ Jelizarjeŭ. Uśled za im pakinuła pasadu kiraŭnika teatra opiery jaho žonka Marharyta Izvorska‑Jelizarjeva.Padstavaj dla adstaŭki pasłužyła toje, što pry źlićci teatraŭ opiery i baleta V.Jelizarjevu prapanavali pasadu tolki mastackaha kiraŭnika baleta. Takim čynam, viadomy dziejač kultury byŭ faktyčna panižany ŭ pasadzie: apošnija 17 hadoŭ jon byŭ dyrektaram — mastackim kiraŭnikom teatra.
Abjaŭlajučy ab zvalnieńni, V.Jelizarjeŭ źviarnuŭ uvahu na prablemy ŭ teatry: nizkija zarpłaty artystaŭ baleta, drennaje finansavańnie novych pastanovak i adsutnaść srodkaŭ na padtrymańnie repiertuaru. Aprača taho, jon padkreśliŭ, što rabota pa rekanstrukcyi teatra pravodziłasia sa šmatlikimi parušeńniami.
Ciapier abaviazki hienieralnaha dyrektara teatra opiery i baleta vykonvaje Valancin Pušny. Jak paviedamiŭ V.Hiedrojc, kandydaturu novaha hienieralnaha dyrektara pavinna prapanavać Ministerstva kultury.
Pavodle jaho słoŭ, V.Jelizarjeŭ ciapier u teatry nie pracuje. Jon zajmajecca pastanoŭkaj śpiektaklaŭ u Bałharyi.
Jak ličyć hałoŭny dyryžor teatra, zasłužany artyst Ukrainy Viktar Płaskina, znajści novaha dyrektara teatra opiery i baleta budzie vielmi składana. «Dyrektaraŭ prafiesijnych opiernych teatraŭ praktyčna niama. Kab vychavać prafiesijnaha dyrektara opiernaha teatra, treba šmat času», — skazaŭ hałoŭny dyryžor.
Pavodle jaho słoŭ, vialikaj pamyłkaj u svoj čas byŭ padzieł teatraŭ.U hetaj situacyi vydatna raźvivaŭsia balet, ale paharšałasia jakaść opiernych śpiektaklaŭ. Apošniaje ŭzmacniałasia tym, što opiernyja śpiektakli stavilisia na nie prystasavanaj dla ich placoŭcy ŭ Domie aficeraŭ.
Jak ličyć V.Płaskina, navat paśla rekanstrukcyi budynka teatra vyjści z takoj situacyi budzie niaprosta: «My zachodzim u teatr, jaki maje kałasalnuju aparaturu, ale ŭ nas niama ludziej, jakija mohuć na joj pracavać.
U nas praktyčna kaśmičny karabiel, i na im pracuje traktaryst».
-
Vyjdzie pa-biełarusku raman Bredbiery «451 hradus pavodle Farenhiejta»
-
U Niaśvižy ź vialikaj źnižkaj pradajuć stohadovuju viłu polskich čynoŭnikaŭ. Za što jaje chvalili mižvajennyja krytyki?
-
«VKŁ było biełaruskim nastolki ž, nakolki Brytanskaja impieryja była indyjskaj». Chto i jak ścior «Pahoniu» z anhłamoŭnaj Vikipiedyi
Ciapier čytajuć
«Ja supracoŭnica KDB, u vas buduć prablemy». Minčanka chacieła napisać skarhu ŭ optycy, ale supracoŭnica pakazała koračku9
Kamientary