Dyrektar Nacyjanalnaha centra zakanadaŭstva: Papiaredžańnie možna vynosić pa 93% składaŭ administratyvak
U prajekcie abnoŭlenaha KaAP ŭpieršyniu praduhledžana mahčymaść vyzvaleńnia ad administracyjnaj adkaznaści. Papiaredžańnie možna vynosić pa 93% składaŭ pravaparušeńniaŭ. Pra heta padčas čarhovaha pasiadžeńnia prajekta BiełTA i BISI «Ekśpiertnaja sierada» «Administracyjny kodeks. Słuchać i čuć ludziej» zajaviŭ dyrektar Nacyjanalnaha centra zakanadaŭstva i pravavych daśledavańniaŭ Vadzim Ipataŭ, piša BiełTA
Jon adznačyŭ, što novaja redakcyi KoAP raźličana pierš za ŭsio na zakonapasłuchmianaha hramadzianina. «Raspracoŭniki vydzielili administracyjnyja praviny. Kali čałaviek ździejśniŭ heta ŭ pieršy raz (što dazvalajuć ustalavać infarmacyjnyja technałohii), to jaho prosta vyzvalajuć ad adkaznaści i vynosiać papiaredžańnie. Heta vialiki krok napierad. Akramia taho, kali brać usio 750 składaŭ, jakija siońnia ŭklučany ŭ administracyjny kodeks, to 93% dazvalajuć vynosić papiaredžańnie, nie pryciahvajučy da administracyjnaj adkaznaści», — prainfarmavaŭ Vadzim Ipataŭ. Jon nazvaŭ heta vielmi važnym elemientam novaha administracyjnaha zakanadaŭstva.
Na sustrečy Snapkova ź biznesam adzin z zaprošanych zaklikaŭ źniać videazvarot «Nado!» Jak adreahavali astatnija?12
Kamientary