Siońnia kiraŭnik Biełarusi Alaksandar Łukašenka sustrakajecca ź mitrapalitam Mienska‑Mahiloŭskaj archieparchii ryma‑katalickaj carkvy ŭ Biełarusi arcybiskupam Tadevušam Kandrusievičam.
Pra heta paviedamlaje pres‑słužba kiraŭnika krainy.
Napiaredadni kiraŭnik katalickaha kaściołu ŭ Biełarusi zajaviŭ:
«Kaścioł znachodzicca ŭ vielmi ciažkaj sytuacyi. 30% parafij nia majuć miesca, dzie jany mohuć celebravać śviatuju imšu.Nie zaŭsiody lohka taksama atrymać rehistracyju i jašče ciažej — atrymać dazvoł na pabudovu kaścioła, atrymać niejki plac. Mnie časami heta nie zaŭsiody zrazumieła. Dalej — vielmi ciažkaja sytuacyja persanalnaja. Siońnia ŭ nas pracuje kala sotni śviataroŭ: 2/3 ź ich — heta hramadzianie Biełarusi, i 1/3, albo 30%, — zamiežniki. I mnie ciažka zrazumieć, što nam siońnia nie dazvalajuć, kab pryjechali śviatary z‑za miažy. Ja dobra razumieju i padzialaju kłopat dziaržavy pra toje, kab byli miascovyja śviatary. Adnak heta praces. I nie vinavaty katalicki kaścioł u tym, što kali ciaham 70 hadoŭ tut, na hetaj ziamli, nie było seminaryi, to skul mohuć uziacca hetyja śviatary vielmi chutka?»
10 krasavika padčas rabočaha vizytu ŭ Maskvu A.Łukašenka sustreŭsia z patryjarcham Maskoŭskim i ŭsiaje Rusi Kiryłam.
Ciapier čytajuć
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary