Nazvany poŭny śpis naminantaŭ na Premiju Hiedrojca

Pretendavać na pieramohu mohuć knihi, napisanyja na biełaruskaj movie ŭ žanrach mastackaj i dakumientalnaj prozy, vydadzienyja ŭ papiarovym albo elektronnym varyjancie pamiž 1 studzienia i 31 śniežnia 2019 hoda, paviedamlaje pen-centre.by.

Sioleta śpis składajecca z 22 pazicyj.

1. Andrej Adamovič. Pieśnia pra Cimura. Januškievič, Minsk, 2019
2. Anatol Astapienka. Muza sabačaha skviera. Halijafy, Minsk, 2019
3. Volha Hapiejeva. Kemeł-Treveł. Halijafy, Minsk, 2019
4. Adam Hłobus. Rysy. Łohvinaŭ, Vilnia, 2019
5. Aleś Dziatłaŭ. Raspad. Biełaruski knihazbor, Minsk, 2019
6. Alina Dłatoŭskaja. Arnamienty. Januškievič, Minsk, 2019
7. Siarhiej Dubaviec. Tantamareski. Radyjo Svabodnaja Eŭropa/Radyjo Svaboda, Miensk, 2019
8. Zinaida Dudziuk. Zakon zachavańnia kachańnia. Čatyry čverci, Minsk, 2019
9. Michaś Ziziuk. Tajamnica hary Mindoŭha. Halijafy, Minsk, 2019
10. Mikoła Iljučyc. Uśmieška anioła. Biełaruski knihazbor, Minsk, 2019
11. Siarhiej Kalenda. Bałtyjskija škarpetki. Łohvinaŭ, Vilnia, 2019
12. Valer Kalinoŭski. Dzieci Francyi. Historyi siemjaŭ, jakija pavieryli Stalinu. Biełaruski knihazbor, Minsk, 2019
13. Zarasłava Kaminskaja. Kaladny stoł. Halijafy, Minsk, 2019
14. David-Aleh Lisoŭski. Kniha. Bark, Homiel, 2019
15. Viera Łojka. Apošni pieršy śnieh. Biełaruski knihazbor, Minsk, 2019
16. Vinceś Mudroŭ. Vosień u Vilni. Biełaruski knihazbor, Minsk, 2019
17. Stasia Narkievič. Pryvidaŭ piarścionak. Biełaruski knihazbor, 2019
18. Aleś Pilecki. Kazki pa telefonie. Radyjo Svabodnaja Eŭropa/Radyjo Svaboda, Miensk, 2019
19. Anton Pilipčyk. Pakul soniejka źziaje… Vydaviec R.M.Cymbieraŭ, Minsk, 2019
20. Ludmiła Rubleŭskaja. Avantury Vyrviča z bandy Čornaha Doktara. Źviazda, Minsk, 2019
21. Hanna Sieviaryniec. Haścinica «Bielhija». Rehistr, Minsk, 2019
22. Kirył Stasielka. Dzieviać žyćciaŭ Vita More. Halijafy, Minsk, 2019

U žury Premii Hiedrojca sioleta ŭvajšli: Ała Bradzichina, litaraturaznaŭca, vykładčyca; Nasta Hryščuk, litaraturny krytyk; Maksim Žbankoŭ, kulturołah, krytyk, eseist; Viera Žybul, litaraturaznaŭca, paetka, pierakładčyca; Andrej Chadanovič, paet, pierakładčyk, vykładčyk litaratury; Cichan Čarniakievič, litaraturaznaŭca, krytyk.

Pryzavy fond za pieršaje miesca na siońnia składajecca ź dźviuch častak: tradycyjnyja 11 tysiačaŭ biełaruskich rubloŭ, a da ich — uniosak kampanii «Karensi Kom Bieł» (1000 dalaraŭ u ekvivalencie). Arhanizatary zaklikajuć inšych sponsaraŭ da supracy z Premijaj i padtrymki biełaruskich aŭtaraŭ: možna dałučycca da finansavańnia pryzavoha fonda za pieršaje, druhoje abo treciaje miesca ci navat zasnavać śpiecyjalny pryz dla kahości z šort-lista.

Premija imia Ježy Hiedrojca ŭručajecca z 2012 hoda. Papiarednija pieramožcy Premii: Pavał Kaściukievič, «Zbornaja RB pa niehałoŭnych vidach sportu» (2012), Uładzimir Niaklajeŭ, «Aŭtamat z haziroŭkaj ź siropam i biez» (2013), Ihar Babkoŭ, «Chvilinka: Try historyi» (2014), Viktar Kaźko, «Čas źbirać kości» (2015), Maks Ščur, «Zaviaršyć hieštalt» (2016), Źmicier Bartosik, «Byŭ u pana vierabiejka havaruščy» (2017), Uładzimir Arłoŭ, «Tancy nad horadam» (2018), Illa Sin «Libido» (2019).

Uračystaja cyrymonija ŭznaharodžańnia adbudziecca ŭvosień.

• 0
• 0
• 0
• 0
• 0
• 0
• 0
• 0