Fota Radyjo Svaboda
4 žniŭnia stała viadoma, što ŭ apiokavym centry ŭ Minsku pamior 29-hadovy Alaksiej Sasnoŭski. Jon 30 lipienia paciarpieŭ ad avaryi na zavodzie bielenaj celułozy ŭ Śvietłahorsku, paviedamlaje Radyjo Svaboda.
U vyniku avaryi 30 lipienia na zavodzie paciarpieli dvoje — zvarščyk Alaksiej Sasnoŭski i ślesar Alaksandr Arech. Jany atrymali apioki. Na viertalocie MNS abodvuch dastavili ŭ Respublikanski apiokavy centr u Minsku.
«Była niejkaja pałomka, moj brat — jon zvarščyk, i jahony kaleha — ślesar pracavali tam. Zrabili što treba, i apieratar pačaŭ zapusk. Jany zastalisia nazirać — kab usio było ŭ paradku. Nie viedaju, što tam adbyłosia, ale nabraŭsia ščołačny haz, i jon vybuchnuŭ. Brat i ślesar atrymali apioki. Moj brat vielmi mocna paciarpieŭ», — raskazvaŭ raniej Svabodzie brat Alaksieja Andrej.
Aficyjna paviedamlałasia, što prarvała trubapravod, a rabočych, jakija znachodzilisia pobač, abliło technałahičnaj vadkaściu z tempieraturaj +80 hradusaŭ. U Alaksieja Sasnoŭskaha było 90% apiokaŭ cieła, u Alaksandra Arecha — da 40%.
Kamientary