Spravy zatrymanych žurnalistaŭ viarnuli na dapracoŭku. A jany sami zastajucca ŭ RUUS
Spravy žurnalistaŭ TUT.BY Alaksieja Sudnikava i Nadziei Kalininaj, a taksama «KP u Biekłarusi!» Mikity Niedavierkava, Maryi Eljaševič i Śviatasłava Zorkaha, zatrymanych učora, viartajuć u Kastryčnickaje RUUS «dla likvidacyi niedachopaŭ». Ich, vidać, samich pakidajuć u RUUS.
Žurnalistaŭ učora zatrymali la stadyjona «Dynama» dla pravierki dakumientaŭ, a paźniej skłali pratakoł za ŭdzieł u «niesankcyjanavanym mitynhu». Noč jany praviali ŭ RUUS.
U znak pratestu suprać niezakonnych dziejańniaŭ uładaŭ niekatoryja žurnalisty TUT.BY usiu noč praviali pad Kastryčnickim RUUS i praciahvajuć znachodzicca tam dahetul.
Taksama, źviartaje ŭvahu Tut.by, utrymańnie ŭ aktavaj zale zatrymanych nie praduhledžana zakonam: tam niama mahčymaści ni spać, ni jeści. Kalehi ź ciažkaściu zmahli pieradać učora ciopłyja rečy i ježu zatrymanym, siońnia ž supracoŭniki RUUS ježu dla ich nie pryniali.
Amal usie čaty i supołki kałonij i SIZA Biełarusi pryznali ekstremisckimi farmavańniami. Pad pahrozaj tysiačy čałaviek4
Kamientary