U vadu dadavali radamin? Čym vadamioty palivali pratestoŭcaŭ u viečar inaŭhuracyi Łukašenki
Fota Vadzima Zamiroŭskaha, Tut.by
23 vieraśnia suprać demanstrantaŭ na praśpiekcie Pieramožcaŭ užyli vadamioty, ale vada ź ich mieła jarki pamarančavy koler. Radyjo Svaboda razabrałasia, što heta za vadkaść.
Mnohija taksama zaŭvažyli łužynu ržavaha koleru kala haścinicy «Jubilejnaja». Pavodle ekśpierta pa biaśpiecy Andreja Syćko, heta ŭsio ž nie ržavaja vada, a śpiecyjalnyja srodki.
«Suśvietnaja praktyka: u hetuju vadu dadajuć admysłovyja farbavalniki, zvyčajna burakovy ekstrakt, jon biasškodny. Heta dla taho, kab paznačyć ludziej pry razhonie i paśla zatrymać. Hety burakovy ekstrakt biaśpiečny», — kaža Andrej Syćko.
Druhi varyjant rečyva, jakoje mohuć dadać u vadu, — radamin. Heta chimičny farbavalnik, jon taksama biasškodny.
Što takoje radamin
«Heta moža być i radamin, jon śviecicca va ŭltrafijalecie, ale jon biasškodny, choć nie zmyvajecca zvyčajnymi srodkami z vopratki. Jaho možna zmyć tolki admysłovymi srodkami», — havoryć Andrej Syćko.
Ale ŭ vadamioty mohuć zapampoŭvać i chimikaty sa ślezaciečnym efiektam.
«U nas ja takoha nie sustrakaŭ, ale ŭ suśvietnaj praktycy, u jeŭrapiejskaj praktycy zapampoŭvajuć u vadamiot chimičny skład, jaki daje ślezaciečny efiekt», — kaža Andrej Syćko.
Atrymać apieratyŭny kamientar ad Ministerstva ŭnutranych spraŭ Svabodzie nie ŭdałosia.
-
Što za Dźmitryj Skindzieraŭ, jaki abviaściŭ vajnu Cichanoŭskaj? Supracoŭnictva z HUBAZiKam, daŭhi ŭ Biełarusi, daŭhi ŭ Litvie
-
«Moža, Korž mianie i nie pamiataje». Nobieleŭski łaŭreat Aleś Bialacki raskazaŭ, adkul viedaje Vaniu Dźmitryjenku i Maksa Karža
-
Prapahandysty spytali ŭ biełarusaŭ, ci nie varta ŭ krainie zabłakavać YouTube
Kamientary