Nasielnictva krain Ŭschodniaj Jeŭropy moža uzdychnuć z palohkaju — «krytyčny pieryjad» kryzisu ŭžo minuŭ, adnak asobnyja prablemy jašče mohuć uźnikać. Tak ličyć Daminik Stros‑Kan, dyrektar Mižnarodnaha valutnaha fondu (MVF).Pa jaho słovach, zaraz «my možam dakładna akreślić i vyznačyć mahčymyja ryzyki», tamu šmat budzie zaležać ad taho, «ci buduć banki zdolnyja finansavać pradpryjemstvy hetaha rehijonu ŭ nieabchodnym abjomie».
Kiraŭnik MVF paviedamiŭ, što stanoŭčyja tendencyi ŭ ekanomikach krain Uschodniaj Jeŭropy možna ŭžo budzie pabačyć dzieści ŭ kancy ciapierašniaha hoda — u kastryčniku‑śniežni, a realny rost pačniecca ŭ pieršaj pałovie 2010 hoda. Tym nie mienš, ličyć jon, «rassłablacca nie treba, pakolki padstaŭ dla niepakoju ŭsio jašče dastatkova». Pierad usim heta źviazana sa stanam ekanomiki i bankaŭskaj sistemy ZŠA, adznačyŭ Stros‑Kan.
Adnačasova MVF apublikavaŭ dadzienyja, jakija śviedčać pra toje, što kryzis vielmi mocna «začapiŭ» taksama viadučyja dziaržavy Jeŭrasajuza, pierš za ŭsio tyja, jakija uvachodziać u zonu jeŭra. Ich VUP skaraciŭsia za pieršy kvartał 2009 hodu na 2,5%, a ŭ paraŭnańni z anałahičnym pieryjadam minułaha hoda — na 4,6%. Klučavym čyńnikam ŭ bolšaści krainach stała hvałtoŭnaje skaračeńnie ekspartu na 15‑20%.
Ciapier čytajuć
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy72
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi3
Biełaruskija abrady, arnamienty i biełaruskaja mova paŭsiul. Jak naščadak pierasialencaŭ zrabiŭ siało kala Bajkała znoŭ biełaruskim, i čamu heta moža chutka skončycca1414
Kamientary