«Zajmajuć mała miesca, nie šumiać, i poŭści niama». Minčuk trymaje ŭ kvatery 19 udavaŭ
Minčuk Andrej Sałamacha trymaje doma 19 ekzatyčnych źmiej. Usie jaho hadavancy niejadavityja, pišuć Minsk-Naviny.
Na dumku teraryumista, u jakaści chatnich hadavancaŭ źmiei dastaŭlajuć našmat mienš kłopataŭ, čym koški abo sabaki. Jany nie šumiać, zajmajuć u kvatery mała miesca i vielmi niepieraborlivyja. Svaich źmiej Andrej kormić 12 raz u hod zamarožanymi myšami.
Akramia taho, źmiej nie treba vyhulvać i štodnia čyścić za imi łatok. Adčuvalnyja materyjalnyja vydatki tolki pry kupli samoha hadavanca i teraryuma dla jaho. Kaštujuć źmiei ad 50 da 1000 dalaraŭ, u zaležnaści ad parody.
Dačka Andreja «vyrasła razam sa źmiejami». Mužčyna raspavioŭ, što dziaŭčynka vučyłasia poŭzać u kampanii reptylij, i ciapier jana — lubimica źmiej. Kali reptylij vypuskajuć z teraryuma, jany adrazu ž paŭzuć da dziaŭčynki.
Niezvyčajnyja hadavancy dapamahli minčaninu naładzić biznes - jon zdaje ich u arendu dla zdymak i kvestaŭ, dla karparatyvaŭ i rozyhryšaŭ.
Kamientary