Biełaruski servis — u top-5 samych papularnych na Product Hunt za 2020 hod
Servis Easy Bloggers, jaki aŭtamatyzuje pracu ź lidarami mierkavańniaŭ, nabraŭ najbolšuju kolkaść hałasoŭ karystalnikaŭ u 2020 hodzie na Product Hunt i ŭznačaliŭ piaciorku prahram-lidaraŭ, piša Dev.by.
Raspracoŭka biełaruskaj kamandy dapamahaje biznesu šukać błohieraŭ dla praviadzieńnia rekłamnaj kampanii. Zvyčajna takuju pracu davodzicca rabić uručnuju. Adnak startapiery zmahli pabudavać sistemu, jakaja pry minimumie resursaŭ dazvalaje analizavać miljony insta- i jutub-kanałaŭ.
U pačatku maja Easy Bloggers źjaviŭsia na Product Hunt i tut ža staŭ praduktam tydnia, a zatym i praduktam miesiaca. Pa słovach CEO startapa Jaŭhiena Ražko, paśla zapusku płatformaj surjozna zacikavilisia mnohija pradstaŭniki amierykanskich markietynhavych ahienctvaŭ. Jość cikavaść i z boku nievialikich kampanij — kožny dzień zachodziać na płatformu ad 500 da 2,5 tysiačy karystalnikaŭ.
Stvaralniki Easy Bloggers abiacajuć, što z časam na bazie Easy Bloggers možna budzie pravodzić rekłamnyja kampanii ź lidarami mierkavańniaŭ, i ŭ hetym vypadku startap budzie atrymlivać svaju kamisiju ad rekłamnaha biudžetu. Prosta pošuk błohieraŭ zastaniecca biaspłatnym.
U siaredzinie leta startap zakryŭ pre-seed raŭnd na 150 tysiač dalaraŭ, a raniej kamanda pryciahnuła inviestycyi na sumu kala 100 tysiač.
SK nazvaŭ imiony tych, chto skinuŭ vybuchoŭku na bazu AMAPa ŭ Minsku ŭ 2021 hodzie3
Kamientary