2 lutaha na 72-m hodzie žyćcia pamior Uładzimir Mielaškievič, zasnavalnik «Viesty». Heta bujny centr u Dziaržynskim rajonie na trasie M1, jaki ŭklučaje ŭ siabie zapraŭku, sanatoryj, miedycynski centr, miesca dla zaniatkaŭ sportam.
Aproč taho, Mielaškievič stajaŭ la vytokaŭ futbolnaha dziaržynskaha «Arsienała».
U rejtynhu biełaruskich biznesmienaŭ jon zajmaŭ 173-je miesca.
«Jon byŭ adnym z udzielnikaŭ kamandy i jaje natchnialnikam. Paźbiahajučy publičnaści, dakazvajučy svaju prychilnaść spravaj, Uładzimir Ivanavič byŭ ščyrym i vydatnym čałaviekam, dušoj i sercam kožnuju chvilinu svajho žyćcia pieražyvaŭ za kłub, jaki za karotki termin staŭ rodnym nie tolki dla futbalistaŭ i supracoŭnikaŭ, ale i dla žycharoŭ Dziaržynska. Zaŭsiody padtrymlivaŭ i raźvivaŭ inicyjatyvy «Arsienała» — ad stvareńnia kamandy da adkryćcia i raźvićcia dziciačaj futbolnaj škoły. Jon zaŭsiody zastavaŭsia z «Arsienałam», navat u tyja momanty, kali asnoŭnaja zaniataść zabirała ŭvieś čas, znachodziŭ čas na kamandu navat tady, kali było vielmi ciažka…» — napisali ŭ sacyjalnych sietkach udzielniki dziaržynskaha FK «Arsienał».
Kamientary