2 лютага на 72-м годзе жыцця памёр Уладзімір Меляшкевіч, заснавальнік «Весты». Гэта буйны цэнтр у Дзяржынскім раёне на трасе М1, які ўключае ў сябе запраўку, санаторый, медыцынскі цэнтр, месца для заняткаў спортам.
Апроч таго, Меляшкевіч стаяў ля вытокаў футбольнага дзяржынскага «Арсенала».
У рэйтынгу беларускіх бізнэсменаў ён займаў 173-е месца.
«Ён быў адным з удзельнікаў каманды і яе натхняльнікам. Пазбягаючы публічнасці, даказваючы сваю прыхільнасць справай, Уладзімір Іванавіч быў шчырым і выдатным чалавекам, душой і сэрцам кожную хвіліну свайго жыцця перажываў за клуб, які за кароткі тэрмін стаў родным не толькі для футбалістаў і супрацоўнікаў, але і для жыхароў Дзяржынска. Заўсёды падтрымліваў і развіваў ініцыятывы «Арсенала» — ад стварэння каманды да адкрыцця і развіцця дзіцячай футбольнай школы. Ён заўсёды заставаўся з «Арсеналам», нават у тыя моманты, калі асноўная занятасць забірала ўвесь час, знаходзіў час на каманду нават тады, калі было вельмі цяжка…» — напісалі ў сацыяльных сетках удзельнікі дзяржынскага ФК «Арсенал».
«Месяцамі ў кабіне, на сябе забіў. І стаў пытаць: можа, жонка таксама будзе працаваць?». Чаму эміграцыя разбівае сем’і і што рабіць, каб усё паправіць3434
Каментары