Sudovaja kalehija pa kryminalnych spravach Viarchoŭnaha suda Biełarusi pakinuła ŭ sile prysud Homielskaha abłasnoha suda ŭ dačynieńni da žycharoŭ vioski Puchavičy Žytkavickaha rajona Homielskaj vobłaści Siarhieja Alifieroviča i Ihara Makareviča. Ich kasacyjnaja skarha pa vynikach razhladu 9 červienia pakinuta biez zadavalnieńnia.
14 krasavika jany byli pryznanyja vinavatymi ŭ zabojstvie svajho adnaviaskoŭca, tak zvanaha «puchavickaha padpalščyka» Mikałaja Makareviča.
Zabojstva ŭčyniena 31 śniežnia 2008 hoda. Paciarpiełamu było naniesiena nie mienš za try ŭdary siakieraj pa hałavie i ŭdar u vobłaść šyi. Trup złačyncy spalili. Abvinavačanyja byli aryštavanyja i źmieščanyja ŭ SIZA, ale ŭ lutym, paśla ŭmiašańnia prezidenta, ich adpuścili pad damašni aryšt.
Viarchoŭny sud ustanaviŭ, što vina abvinavačvanych dakazanaja i ich dziejańniam dadzienaja pravilnaja acenka. Alifierovič byŭ pryhavorany Homielskim abłasnym sudom da piaci hadoŭ pazbaŭleńnia voli z adbyvańniem pakarańnia ŭ papraŭčaj ustanovie ŭzmocnienaha režymu, Makarevič — da troch hadoŭ pazbaŭleńnia voli z adbyvańniem pakarańnia ŭ papraŭčaj ustanovie ŭzmocnienaha režymu.
U svaich kasacyjnych skarhach jany nie asprečvali kvalifikacyju złačynstva, a nastojvali na źmiakčeńni pakarańnia.Adnak Viarchoŭny sud pryznaŭ, što ŭ vyniesienym prysudzie ŭžo ŭličanyja ŭsie akaličnaści, što źmiakčajuć vinu, i im pryznačana pakarańnie nižejšaje za samuju nizkuju miažu.
Jak paviedamiła BiełaPAN advakat Alifieroviča Raisa Proščanka, rašeńnie sudovaj kalehii moža być abskardžana ŭ staršyni Viarchoŭnaha suda.
Nahadajem, jašče dvuch supolnikaŭ złačynstva, Alaksandra Pietručeniu i Taćcianu Juchnievič, Homielski abłasny sud pryznaŭ vinavatymi va ŭkryvalnictvie złačynstva. Jany pakaranyja abmiežavańniem voli na dva i piać hadoŭ adpaviedna biez nakiravańnia ŭ papraŭčyja ŭstanovy adkrytaha typu.
9 červienia rašeńniem sudovaj kalehii pa kryminalnych spravach Viarchoŭnaha suda Pietručenia byŭ vyzvaleny ad pakarańnia ŭ suviazi z amnistyjaj.
Ciapier čytajuć
Što kažuć Mackievič, Karpaŭ, Čarniaŭskaja i inšyja pra pres-kanfierencyju Babaryki i Kaleśnikavaj22
Što kažuć Mackievič, Karpaŭ, Čarniaŭskaja i inšyja pra pres-kanfierencyju Babaryki i Kaleśnikavaj
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»2828
Kamientary