JEEK prapanavała Biełarusi pazbavicca abaviazkovaha pieraliku biełaruskich tavaraŭ u kramach
Jeŭrazijskaja ekanamičnaja kamisija (JEEK) apaviaściła ŭrad Biełarusi ab nieabchodnaści vykanańnia abaviazkaŭ pa funkcyjanavańni ŭnutranaha rynku JEAES u śfiery roźničnaha handlu. Pra heta havorycca ŭ paviedamleńni JEEK, piša Tut.by.
«Pa vynikach pasiadžeńnia Kalehii Jeŭrazijskaj ekanamičnaj kamisii pryniata rašeńnie paviedamić Respublicy Biełaruś ab nieabchodnaści vykanańnia prava Jeŭrazijskaha ekanamičnaha sajuza» — skazana ŭ zajavie.
Kalehija JEEK pryznała barjeram na ŭnutranym rynku JEAES patrabavańnie pra abaviazkovy asartymient biełaruskich tavaraŭ na palicach u kramach roźničnaha handlu krainy.
Biełaruskamu ŭradu prapanavana «na praciahu 30 kalandarnych dzion z daty ŭstupleńnia rašeńnia ŭ siłu zabiaśpiečyć likvidacyju najaŭnych parušeńniaŭ i prainfarmavać Kamisiju ab pryniatych mierach».
Ministerstva antymanapolnaha rehulavańnia i handlu (MARH) Biełarusi rekamienduje rytejleram pry realizacyi (pastaŭcy) charčovych tavaraŭ, u tym liku sacyjalna značnych, zabiaśpiečyć dasiahnieńnie ŭdzielnaj vahi charčovych tavaraŭ ajčynnaj vytvorčaści ŭ abjomie roźničnaha tavaraabarotu arhanizacyi pa vynikach 2021 hoda na ŭzroŭni nie nižej za 80-85%. Akramia taho, biełaruskija tavary varta vykładvać u kramach «u vizualna i fizična dastupnych miescach».
12 lutaha na UNS Alaksandr Łukašenka vykazaŭ pretenziju ŭ adras handlovych sietak ab tym, što jany niedastatkova aktyŭna pradstaŭlajuć biełaruskija tavary addajučy pieravahu impartnym. Adnu z takich sietak, pa jaho słovach, užo pačali «vyrazać».
Uśled za hetym Kamitet dziaržkantrolu pajšoŭ z pravierkami ŭ bujnyja handlovyja sietki — jak u Minsku, tak i ŭ rehijonach. Asablivuju ŭvahu kantralory mieli namier nadać impartnym tavaram i najaŭnaści biełaruskich. «Pa vynikach kantrolna-analityčnych mierapryjemstvaŭ budzie dadziena acenka prymanych orhanami dziaržaŭnaha kiravańnia mier pa abaronie intaresaŭ ajčynnych vytvorcaŭ i skaračeńnia abjomu impartavanych tavaraŭ», — kazałasia ŭ zajavie KDK.
Šmat tavaraŭ pastaŭlajecca ŭ Biełaruś z Rasii, dzie raźmiaścili svaje vytvorčaści ŭ tym liku i transnacyjanalnyja karparacyi.
Na sustrečy Snapkova ź biznesam adzin z zaprošanych zaklikaŭ źniać videazvarot «Nado!» Jak adreahavali astatnija?12
Kamientary