Pravaabaroncy praciahvali adsočvać advolnyja zatrymańni mirnych pratestoŭcaŭ i sudovyja pracesami pa administracyjnych spravach nad imi ŭ sakaviku 2021 hoda.
Za minuły miesiac zafiksavana 1139 zatrymańniaŭ pa palityčnych matyvach, ź ich u Minsku — 841. U rehijonach bolš za ŭsio zatrymlivali ŭ Bresckaj vobłaści — nie mienš za 76 vypadkaŭ.
Napiaredadni Dnia Voli ŭ haradach Biełarusi prajšli masavyja previentyŭnyja zatrymańni aktyvistaŭ. 25 sakavika hetyja zatrymańni taksama adbyvalisia na praciahu dnia ŭ roznych haradach. «Viaśnie» viadoma pra zatrymańnie 175 čałaviek u hety dzień ŭ Minsku i bolš jak 75 čałaviek u rehijonach.
Jašče kala 250 čałaviek byli zatrymanyja 27 sakavika: u Minsku była anansavanaja akcyja pratestu ŭ rajonie płoščy Banhałor na 14.00.
Viadoma taksama pra 36 zatrymańniaŭ žurnalistaŭ.
Za sakavik sudami było razhledžana bolš za 490 administracyjnych spraŭ u dačynieńni da hramadskich aktyvistaŭ i ŭdzielnikaŭ pratestaŭ.
U vyniku sudździami pryznačany 395 administracyjnych aryštaŭ na termin ad 3 da 30 sutak i 82 štrafy pamieram ad 2 da 200 bazavych vieličyń.
Pry hetym najčaściej sudy vynosili 15-sutkavyja aryšty — 270 vypadkaŭ, taksama prymianiali novyja normy KaAP na praktycy i nie mienš jak 32 čałavieki byli adpraŭlenyja za kraty na 30 sutak.
Ahulnaja kolkaść vyniesienych sutak dla zatrymanych skłała 6472.
Nie mienš jak 32 čałavieki byli aštrafavanyja na 30 bazavych vieličyń (870 rubloŭ). Štraf u pamiery 100 bazavych vieličyń (2900 rubloŭ) atrymali 8 zatrymanych, a jašče adzin čałaviek byŭ asudžany da štrafu ŭ 200 bazavych vieličyń (5800 rubloŭ).
Suma ŭsich pryznačanych sudami štrafaŭ za sakavik skłała 120 901 rubiel.
Ciapier čytajuć
Dziadok patłumačyŭ, čamu vyzvalili mienavita tych palitviaźniaŭ, kaho vyzvalili33
Kamientary