Aŭtyzm — asablivaść čałaviečaha raźvićcia, dla jakoj charakternyja prablemy z navykami kamunikacyi i prajaŭleńnia emocyj. Zvyčajna prykmiety aŭtyzmu prajaŭlajucca ŭ dziciaci da taho, jak jano dasiahaje trochhadovaha vieku, i zastajucca z čałaviekam na ŭsio žyćcio. Čym raniej daktary pačnuć pracavać z takim dziciom, tym lahčej budzie jaho adaptavać da zvyčajnaha žyćcia.
Niadaŭna raspracoŭščyki z ZŠA pradstavili prahramu, jakaja moža vyjavić aŭtyzm u dziaciej va ŭzroście 16 miesiacaŭ. Heta mabilnaja aplikacyja, jakaja vykarystoŭvaje kamieru na iPad ci iPhone, raspaviadaje Daily Mail.
Pracuje heta tak: dzicia hladzić na pryładzie śpiecyjalnyja videa, a kamiera adsočvaje i analizuje ruchi jaho vačej. Adna z prykmiet aŭtyzmu — schilnaść čałavieka bolš kancentravać uvahu na pradmietach, čym na žyvych ludziach, tamu nazirańnie za ruchami vačej moža dapamahčy vyjavić hetuju asablivaść raźvićcia.
Što tyčycca samich videa, to, naprykład, na adnym ź ich u levaj častcy ekrana mužčyna puskaje mylnyja burbałki, a ŭ pravaj znachodzicca jaho butelka z vadkaściu dla burbałak i cacka. Inšaje videa, što daśledčyki prapanavali dla dyjahnostyki, źmiaščała kadry z žančynaj, jakaja ŭśmichajecca, a ŭ druhoj pałovie ekrana taksama znachodziłasia cacka. Kali aplikacyja prachodziła vyprabavańni, dzieci, u jakich raniej užo byŭ vyjaŭleny aŭtyzm z dapamohaj ahulnapryniatych mietadaŭ dyjahnostyki, padčas prahladu videa hladzieli tolki na cacki, dzieci ž biez aŭtyzmu źviartali ŭvahu na ŭsie abjekty na ekranie.
Raniej mietad nazirańnia za ruchami vačej užo vykarystoŭvali dla dyjahnostyki aŭtyzmu, ale novaja aplikacyja stała pieršaj sprobaj pracy z takim mietadam bieź śpiecyjalnaha abstalavańnia i dapamohi ekśpierta, što zvyčajna tłumačyŭ ruchi vačej. Dziakujučy hetamu, a taksama tamu, što na teściravańnie dziciaci treba tolki 10 chvilin, aplikacyju možna lohka vykarystoŭvać doma ci ŭ maleńkich klinikach.
Zaraz daśledčyki praciahvajuć teściravańnie aplikacyi. Adna z met — pravieryć, ci budzie pracavać taki srodak dyjahnostyki aŭtyzmu ŭ vypadku z šaścimiesiačnymi dziećmi. Kali ŭsio budzie dobra, aplikacyja dazvolić pavialičyć kolkaść vyjaŭlenych vypadkaŭ aŭtyzmu, što daść mahčymaść dzieciam z takoj asablivaściu atrymać adpaviednuju dapamohu śpiecyjalistaŭ.
«Uvarvalisia z dručkami». Śviedka raskazaŭ, jak siłaviki źbili aŭtaślesara ź Viciebska. Praz hod toj pamior7
«Uvarvalisia z dručkami». Śviedka raskazaŭ, jak siłaviki źbili aŭtaślesara ź Viciebska. Praz hod toj pamior
«Toje, što chtości siadzić za palityku, źjaŭlajecca častkaj piejzažu». Biełaruska, jakaja naviedała radzimu paśla doŭhaha pierapynku, padzialiłasia ŭražańniami99
Kamientary