Jeŭrapiejskija avijakampanii pačali pradavać kvitki ŭ Minsk. Zabarona palotaŭ nad Biełaruśsiu chutka ŭsio?
Niekatoryja jeŭrapiejskija avijakampanii ŭžo pradajuć kvitki na paloty ŭ Minsk i ź Minska, źviarnuła ŭvahu «Radyjo Svaboda». Da prykładu, na sajcie niamieckaj Lufthansa možna kupić kvitki na rejs Minsk — Frankfurt pačynajučy z 21 vieraśnia, a na rejs Frankfurt — Minsk — z 22 vieraśnia. Polskaja avijakampanija LOT pradaje kvitki Varšava — Minsk i Minsk — Varšava na kastryčnik.
«Radyjo Svaboda» źviarnułasia da avijakampanij z pytańniem, ci značyć heta, što ŭ hetyja daty ŭžo nie budzie dziejničać zabarona Jeŭrapiejskaha Sajuza na paloty ŭ Biełaruś.
Pradstaŭniki LOT adkazali, što ciapier u ich zapłanavany «zimovy raskład palotaŭ», u jakim jość rejsy ŭ Minsk. «Adnak imaviernaść dalejšaha spynieńnia palotaŭ budzie vyznačacca dziejnymi abmiežavańniami. U takim vypadku pasažyry buduć mieć mahčymaść viarnuć kvitki biez dadatkovych vypłat za reziervacyju».
Pradstaŭniki kampanii Lufthansa dali taki adkaz: «Usie avijalinii Lufthansa Group paźbiahajuć biełaruskaj pavietranaj prastory ad kanca traŭnia 2021 hoda i vykarystoŭvajuć alternatyŭnyja maršruty palotaŭ. Lufthansa taksama prypyniła rejs Frankfurt — Minsk. My ŭ ščylnym uzajemadziejańni ź niamieckimi i jeŭrapiejskimi ŭładami ŭ hetaj suviazi. Robiačy heta, my ŭvieś čas sočym za apošnimi padziejami i pastupova prystasoŭvajem raskład našych palotaŭ adpaviednym čynam».
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie6
Kamientary