Vajskovy ahladalnik Jahor Lebiadok pra kryzis na miažy: U sieradu-piatnicu možna čakać niejki pik dziejańniaŭ
«Admietnaja asablivaść ad papiarednich situacyj — šyrokaje aśviatleńnie aficyjnymi ŚMI i zasiarodžvańnie ŭ adnoj vialikaj hrupie». Ekśpiert Jahor Lebiadok u svaim telehram-kanale prakamientavaŭ situacyju vakoł nielehalnych mihrantaŭ na biełaruska-polskaj miažy.
Navošta heta
Jahor Lebiadok pieraličvaje pryčyny stvareńnia kanfliktu. Siarod inšych jon kaža, što heta:
— sproba padniać staŭki ŭ cisk na ES pierad razhladam čarhovych sankcyj i dla pasłableńnia dziejańniaŭ siońniašnich;
— demanstracyja svaim prychilnikam i niejtralnym biesčałaviečnaści voraha (Polščy, Litvy i ES ahułam), a taksama antyhumannaści dziejańniaŭ polskich uładaŭ dla ES i polskaj apazicyi;
— testavańnie dziejańniaŭ ES i NATA na vypadak kryzisnych źjaŭ (pa značnaści nie pieršasny punkt, ale važny dla Rasii).
«Masavaść, na moj pohlad, mieła chutčej značeńnie dla stvareńnia infarmacyjnaj padziei, čym dla prałomu miažy i pierachodu ŭsich. Meta była mienavita ŭ karcincy na miažy (niezdarma ž ad aficyjnaha pamiežnaha pierachodu, kudy źbiralisia naiŭnyja mihranty, ich adviali ŭ les)», — piša Lebiadok.
Mahčymaje raźvićcio padziej i nastupstvy
«Takaja infarmacyjnaja padzieja nie žyvie daŭžej za tydzień, tamu ŭ sieradu-piatnicu možna čakać niejki pik dziejańniaŭ dla presy (demanstratyŭnyja sproby prachodu, kali hinuć i płačuć dzieci, stralba pa mihrantach i h.d.).
Paralelna adnosna małyja hrupy buduć razvodzić na inšyja ŭčastki miažy dla ich pierapraŭki (da Litvy, u Bresckuju vobłaść), taksama buduć pravodzić novyja hrupy mihrantaŭ, pad šumok.
Ja b nie čakaŭ vajennaha kanfliktu pamiž pamiežnikami dźviuch krain, pra jaki sam kazaŭ nieadnarazova, u biahučym miescy zboru, pakolki zanadta šmat uvahi i polskich sił. Hetaha chutčej na inšych učastkach čakać možna, choć takaja navała bahata vypadkovaściami», — miarkuje ekśpiert
Ci paŭpłyvaje mihracyjny kryzis na sankcyi?
«Pakul nie vidać, kab ES daŭ zadni chod u płanie sankcyj.
Miarkuju, što da ES patrochu dachodzić toje, što jany nie zasvoili ŭ «junactvie»: nielha iści na sastupku dvarovamu chulihanu, inakš zatym pryjdziecca znoŭ sastupić i jašče bolš.
Chutčej, havorka idzie ab uzmacnieńni mier uździejańnia. Klučavyja punkty — raźvićcio sankcyj i źnižeńnie tranzitnych mahčymaściaŭ, što aŭtamatyčna padklučaje da vyrašeńnia pytańnia Rasiju i inšyja krainy, uklučajučy Kitaj (darečy ŭ kanale DPK Biełarusi ŭžo bolš za miesiac adznačajecca źnižeńnie propusku transpartu na niekatorych polskich punktach propusku ad normy, praduhledžanaj dvuchbakovymi damoŭlenaściami).
Što budzie dalej?
Mahčyma, toje, što adbyvajecca — heta jak finalny akord usiaho kryzisu, h. zn. sproba stvaryć maksimum infarmacyjnaha ŭździejańnia, skancentravać usich u adnym miescy i raskidvać pa miažy małyja hrupy dla pierapraŭki kančatkovaj i niadopusku viartańnia mihrantaŭ u Minsk i harady Biełarusi.
Prosta tak zharnuć kryzis Łukašenki nie moža, heta budzie jašče nachileńnie niepachisnaha, a na takim trendzie spačatku ŭ hałovach, a potym mahčyma i ŭsłych, siarod svaich prahučyć «Akieła pramachnuŭsia». Heta Łukašenka razumieje, što ŭskładniaje chutki vychad ź situacyi.
U takich vypadkach časta vykarystoŭvajuć madel palityčnych dziejańniaŭ: davieści da piku, zatym paviestku pieravieści na inšuju rezanansnuju temu, a kanflikt płaŭna spuskać na tarmazach.
Hety kryzis nie byŭ by mahčymy, kali b u krainie praciahvalisia masavyja vystupy hramadzian — da miažy ściahnutyja resursy siłavikoŭ, jakija ciapier svabodnyja.
Mihranty «samaarhanizavalisia ŭ takuju šmatlikuju hrupu, kab … pryciahnuć uvahu mižnarodnaj hramadskaści»,
h. zn. praviali niesankcyjanavanaje masavaje mierapryjemstva ź pierakryćciem darohi, vysiečkaj lesu, šmatrazovym parušeńniem zakanadaŭstva ab dziaržaŭnaj miažy Respubliki Biełaruś biez usialakich sankcyj z boku MUS, DPK i inšych orhanaŭ.
Takija dziejańni, a dakładniej takoje masavaje aśviatleńnie hetych dziejańniaŭ aficyjnymi ŚMI — heta čarhovaja demanstracyja taho, što biełarusy nie haspadary na svajoj ziamli.
Situacyja na miažy. Što viadoma na dadzieny momant
Delfi: Sotni nielehałaŭ pierakinuli na miažu ź Litvoj
Niamieččyna prosić ES ab dapamozie ŭ vyrašeńni kryzisu na biełaruska-polskaj miažy
«Susiedzi mohuć pajści na časovuju błakadu miežaŭ navat u handlovych metach». Da čaho jašče moža pryvieści abvastreńnie mihracyjnaha kryzisu?
«Situacyja napružanaja, tryvožnaja»: Piaskoŭ pra stanovišča na biełaruska-polskaj miažy
U Baranavičach aryštavali siem byłych rabotnikaŭ zakrytaj niezaležnaj haziety «Inteks-Pres»1
Kamientary