«Heta byŭ nie sud, a šoŭ» — skazali žančyny, jakija pryjechali z usioj Biełarusi padtrymać Halinu Jubko.
«Heta byŭ nie sud, a šoŭ» — skazali žančyny, jakija pryjechali z usioj Biełarusi padtrymać Halinu Jubko.
Minski haradski sud pakinuŭ bieź źmienaŭ prysud suda Savieckaha rajonu ŭ dačynieńni da redakcyi haziety «Sovietskaja Biełorusija» ad 16 červienia 2009 hodu. Nahadajem, što 18 lutaha 2009 h. u «SB» byŭ nadrukavany artykuł Viktara Panamarova, pryśviečany hrupie žančynaŭ — svajačak asudžanych, a taksama niazhodnych z rašeńniami sudoŭ.
Adna ź ich, Halina Jubko, źviarnułasia ŭ sud z pazovam da redakcyi vydańnia i jaho aŭtara, bo paličyła što aŭtar artykułu nanios škodu jaje honaru i hodnaści. Pavodle jaje słovaŭ, žurnalist adnabakova apisaŭ prablemu, zajaviŭšy, što bolšaść žančynaŭ usimi praŭdami i niapraŭdami namahajucca palehčyć los svajakoŭ, asudžanych pieravažna za ciažkija złačynstvy — zabojstvy, zhvałtavańni, rabavańni.
«Kali b adkazčykam byŭ prosty hramadzianin, ci zvyčajnaja arhanizacyja, a nie redakcyja «Sovietskoj Biełorusii», sud uziaŭ by bok Haliny Jubko, bo jana pryviała ŭ sudzie nieabvieržnyja fakty ŭ padtrymku svajho pazovu. A tak my jašče da pačatku pasiedžańnia dakładna viedali pra vyniki sudu» — kaža pravaabaronca Tamara Siarhiej.Pa jaje słovach, na siońniašnim pasiedžańni Halina Pachomaŭna pryviała fakty hrubych parušeńniaŭ viadzieńnia pratakołu sudovaha pasiedžańnia — jaje pytańni i adkazy na pasiedžańni 16 červienia byli skažonyja, a niekatoryja ŭvohule źnikli. Siońniašni vyrak prysutnyja ŭ zali žančyny sustreli iraničnymi apładysmientami. «Heta byŭ nie sud, a šoŭ» — skazali žančyny. Padtrymać Halinu Jubko pryjšło kala dvaccaci čałaviek, u tym liku byli pradstaŭniki hrupy z Babrujsku, Navapołacku, z Brestčyny.
Kamientary