Situacyja va ŭsich rehijonach Kazachstana stabilnaja, asnoŭnaja misija ADKB zavieršana, paviedamiŭ siońnia prezident Kazachstana Kasym-Žamart Takajeŭ.
Vyvad miratvorcaŭ pačniecca praz dva dni i zojmie nie bolš za dziesiać dzion, skazaŭ jon.
Nahadajem, što Takajeŭ źviarnuŭsia pa dapamohu ŭ Arhanizacyju Dahavora krain ab kalektyŭnaj biaśpiecy, i ŭ Kazachstan adpravilisia taksama i biełaruskija vajskoŭcy.
«Płan ataki na Kazachstan byŭ kompleksnym, nad im pracavali prafiesijanały», — zajaviŭ siońnia Takajeŭ padčas vystupu ŭ parłamiencie, jon zaznačyŭ, što bajeviki mieli namier zachapić uładu, adnak sproby dziaržaŭnaha pieravarotu ŭ Kazachstanie pravalilisia.
Pavodle prezidenta krainy, Kamitet nacbiaśpieki nie razhladzieŭ pahrozu, a ŭ šerahu haradoŭ pradstaŭniki KNB pakinuli miesca słužby ŭ pieryjad biesparadkaŭ.
Novym premjer-ministram Takajeŭ pryznačyŭ Alichana Smaiłava.
Taksama paviedamlajecca, što padčas biesparadkaŭ u Kazachstanie zatrymanyja kala 10 tysiač čałaviek.
Kamientary