Apošni vypusk humarystyčnaha šou vyjdzie na TNT 20 vieraśnia.
Vypusk humarystyčnaha šou, jaki vyjdzie na rasijskim telekanale TNT 20 vieraśnia, stanie apošnim, pišuć «Viedomosti» sa spasyłkaj na pres-reliz «Hazpram-Miedyja».
U pryvatnaści, u relizie pryviedziena cytata kreatyŭnaha pradziusara prahramy Haryka Charłamava z aficyjnaj zajavy, ź jakoj jon vystupić pierad pačatkam prahramy: «My paćviardžajem, što Comedy Club zakryvajecca».
Raniej dyrektar telekanała TNT (uvachodzić u chołdynh «Hazpram-Miedyja») Cina Kandełaki namiakała, što prajekt budzie adnoŭleny. U videapaviedamleńni, apublikavanym 3 vieraśnia ŭ jaje Telegram-kanale, jana paviedamiła, što Haryk Charłamaŭ, pryznačany ŭ kancy lipienia kreatyŭnym pradziusaram Comedy Club, «prapanavaŭ vielizarnuju kolkaść novych idej, heta tyčycca sceny, muzyki, napaŭnieńnia, starych, novych rezidentaŭ, samoha humaru».
«My ŭsim kanałam, usioj kamandaj padumali, acanili situacyju, i ja mahu skazać tolki adno: «Byvaj, Comedy», — skazała Kandełaki. Taki ž frazaj — «Byvaj, Comedy « — supravadžajucca biłbordy z anonsam vypusku 20 vieraśnia.
Šou vychodziła na TNT z 2005 hoda.
Kamientary