Сітуацыя ва ўсіх рэгіёнах Казахстана стабільная, асноўная місія АДКБ завершана, паведаміў сёння прэзідэнт Казахстана Касым-Жамарт Такаеў.
Вывад міратворцаў пачнецца праз два дні і зойме не больш за дзесяць дзён, сказаў ён.
Нагадаем, што Такаеў звярнуўся па дапамогу ў Арганізацыю Дагавора краін аб калектыўнай бяспецы, і ў Казахстан адправіліся таксама і беларускія вайскоўцы.
«План атакі на Казахстан быў комплексным, над ім працавалі прафесіяналы», — заявіў сёння Такаеў падчас выступу ў парламенце, ён зазначыў, што баевікі мелі намер захапіць уладу, аднак спробы дзяржаўнага перавароту ў Казахстане праваліліся.
Паводле прэзідэнта краіны, Камітэт нацбяспекі не разглядзеў пагрозу, а ў шэрагу гарадоў прадстаўнікі КНБ пакінулі месца службы ў перыяд беспарадкаў.
Новым прэм'ер-міністрам Такаеў прызначыў Аліхана Смаілава.
Таксама паведамляецца, што падчас беспарадкаў у Казахстане затрыманыя каля 10 тысяч чалавек.
Блогер Сярога з Расіі прыехаў на Зыбіцкую з каханай блогеркай Анечкай. Вынік: збіты ім беларус у коме, а Сярога на 5,5 года за кратамі10
Каментары