Fota: TASS
Z savieckaha pieryjadu Kazachstan, Kyrhyzstan i Uźbiekistan znachodziacca ŭ adzinaj enierhasistemie, piša RBK.
U Ałmaty elektryčnaść źnikła ŭ častcy rajonaŭ horada ranicaj 25 studzienia. U niekatorych damach padaču elektraenierhii adnavili, paviedamiŭ RBK miascovy žychar. Elektryčnaści taksama niama ŭ Šymkiencie, Tarazie, Turkiestanskaj vobłaści.
U akimacie (administracyi) Ałmaty paviedamili, što ŭ horadzie ŭpała napružańnie ŭ sietcy i spracavali sistemy aŭtamatyčnaj častotnaj razhruzki na padstancyjach, viaducca raboty pa pierapadklučeńni.
Kazachstanskaja enierhakampanija «Samruk-Enierha» paviedamiła, što adbyłosia avaryjnaje adklučeńnie vysakavoltnych linij elektrapieradačy, jakija złučajuć rehijon z paŭnočnaj i paŭdniovaj častkami ahulnaj enierhasistemy. Enierhazabieśpiačeńnie adnoŭlena prykładna napałovu.
U Biškieku elektryčnaść adklučyłasia kala apoŭdnia. U horadzie pierastali pracavać śviatłafory. Taksama adklučana elektrazabieśpiačeńnie ŭ horadzie Oš, bieź śviatła zastalisia žychary niekatorych rajonaŭ Čujskaj i Isyk-Kulskaj abłaściej.
U Taškiencie praz adklučeńnie elektryčnaści spyniłasia mietro. Ministerstva enierhietyki Uźbiekistana paviedamiła, što maštabnyja adklučeńnia elektraenierhii ŭ asobnych rehijonach krainy źviazany z bujnoj avaryjaj u enierhasistemie.
