Pandemija pierachodzić u endemiju. Jeŭrapiejskija krainy pačali zdymać kavidnyja abmiežavańni

Mnohija navukoŭcy miarkujuć, što amikron, bolš zarazny, ale mienš niebiaśpiečny dla žyćcia štam, pieravioŭ pandemiju ŭ endemiju. Heta aznačaje, što z kavidam buduć nie aktyŭna zmahacca, a navučacca ź im žyć. Pa-pieršaje, štam maje mienšuju śmiarotnaść. Pa-druhoje, u Zachodniaj Jeŭropie zaraz vielmi vysoki ŭzrovień vakcynacyi.

Ludzi abaronienyja ad ciažkaha praciakańnia chvaroby pryščepkami i naturalnym imunitetam. Tamu trend zaraz taki: dziaržavy buduć pastupova źnimać kavidnyja abmiežavańni.

Čytajcie taksama: Ad pandemii da endemii. Paśla amikrona dziaržavy mianiajuć svaju stratehiju adnosna kavidu

Mnohija jeŭrapiejskija krainy ličać, što patencyjny rost kolkaści vypadkaŭ kavidu naŭrad ci pastavić pad pahrozu ich sistemu achovy zdaroŭja.

Čechija asłabiła svaje abmiežavańni, dazvoliŭšy ludziam naviedvać hramadskija mierapryjemstvy, bary i restarany biez pašpartoŭ vakcynacyi.

Premjer-ministr Čechii zajaviŭ, što akramia admieny pašpartoŭ vakcynacyi, urad jašče bolš pasłabić abmiežavańni ŭ lutym.

U Šviecyi kavidnyja abmiežavańni skasavanyja z 9 lutaha. Ludzi zmohuć chadzić u restarany bieź lubych abmiežavańniaŭ. U hramadskim transparcie možna budzie jeździć biez maski.

Ludziam dazvolili nie abmiažoŭvać sacyjalnyja kantakty. Akramia taho, kraina zdymaje abmiežavańni na ŭjezd z krain ES.

Heta rašeńnie tłumačycca vysokim uzroŭniem vakcynacyi ŭ Šviecyi. Jano taksama abhruntavana tym, što mienš ludziej u krainie surjozna chvarejuć i traplajuć u adździaleńni intensiŭnaj terapii. Akramia taho, ekśpierty ciapier viedajuć bolš pra karonu.

Urad Danii abviaściŭ, što kraina bolš nie ličyć COVID-19 «sacyjalna krytyčnym zachvorvańniem» i admienić svaje abmiežavańni.

Kraina prajšła krytyčnuju fazu chvaroby, ličać va ŭradzie.

U Narviehii abviaścili, što kraina admianiaje kavidnyja abmiežavańni.

Va ŭradzie adznačyli, što navat pry bolšaj kolkaści chvorych, kolkaść špitalizavanych istotna padaje. Akramia taho, nasielnictva dobra abaronienaje vakcynami.

Admianili kavidnyja pašparty i ŭ susiedniaj Litvie.

Minzdaroŭja krainy adznačaje, što ciapier raspaŭsiudžvajecca amikron, jakim mohuć zachvareć jak pryščeplenyja, tak i niepryščeplenyja, tamu značeńnie kavidnych pašpartoŭ źniziłasia.

Da novaj stratehii pierachodzić i Brytanija. Premjer-ministr Džonsan abviaściŭ, što maje namier źniać usie kavidnyja abmiežavańni ŭ Anhlii ŭ kancy hetaha miesiaca. Abmiežavańni taksama pasłabiać u Šatłandyi, Uelsie i Paŭnočnaj Irłandyi.

Pra źmiakčeńnie pravił paviedamiła i Polšča. Ministr achovy zdaroŭja krainy Niadzielski abviaściŭ ab skaračeńni pieryjadu izalacyi dla chvorych na karonu, a taksama bolš miakkija praviły karancinu. Na jaho dumku, kaniec pandemii COVID-19 užo blizki.

«My majem spravu z pačatkam kanca pandemii. U lutym źnižeńnie kolkaści infiekcyj pavinna być adnosna vialikim», — zajaviŭ ministr achovy zdaroŭja Polščy na pres-kanfierencyi.

• 0
• 0
• 0
• 0
• 0
• 0
• 0
• 0