Ctaršynia Abjadnanaha kamiteta načalnikaŭ štaboŭ ZŠA patelefanavaŭ načalniku Hienštaba Biełarusi
Ministerstva abarony paviedamiła, što siońnia pa inicyjatyvie amierykanskaha boku adbyłasia telefonnaja razmova načalnika Hienieralnaha štaba Uzbrojenych Siłaŭ Biełarusi hienierał-majora Viktara Huleviča sa staršynioj Abjadnanaha kamiteta načalnikaŭ štaboŭ Uzbrojenych Siłaŭ ZŠA Marka Mili.
Detalaŭ razmovy pakul što nie padajuć, kažuć tolki, što padčas jaje baki «abmierkavali pytańni biaśpieki».
Amierykanski bok taksama paviedamiŭ pra hetuju razmovu, ale asablivych padrabiaznaściaŭ i jon nie daŭ.
Pra heta napisała ahienctva Reuters sa spasyłkaj na pres-słužbu Ministerstva abarony ZŠA.
Paviedamlajecca, što razmova amierykanskaha i biełaruskaha vysokapastaŭlenych vajskoŭcaŭ adbyłasia ŭ toj momant, kali Rasija pravodzić vajskovyja vučeńni ŭ Biełarusi i na Čornym mory paśla kancentracyi svaich vojskaŭ la miežaŭ Ukrainy.
«Telefonny zvanok spryjaŭ kamunikacyi pamiž abodvuma vajskovymi kiraŭnikami, kab źmienšyć imaviernaść pamyłak i acanić pierśpiektyvu jeŭrapiejskaj biaśpieki», — zajaviŭ pałkoŭnik Dejv Batler, pres-sakratar staršyni Abjadnanaha kamiteta načalnikaŭ štaboŭ ZŠA.
Dla KDB pabudujuć asobnuju balnicu na VIP-uzroŭni6
Kamientary