Administracyja Bajdena paabiacała padtrymku Ukrainie dla supraćstajańnia Rasii ŭ vypadku ahresii
ZŠA hatovyja dapamahać Ukrainie i paśla mahčymaha rasijskaha ŭvarvańnia. Heta budzie adnym z «troch składnikaŭ adkazu» Maskvie.
Pra heta paviedamlaje RBK-Ukraina sa spasyłkaj na słovy pamočnika prezidenta ZŠA pa nacyjanalnaj biaśpiecy Džejka Salivana.
U Biełym domie nie stali raspaviadać padrabiaznaści hetaj padtrymki.
«Ja nie stanu pryvodzić padrabiaznaści taho, jak heta budzie ažyćciaŭlacca, ale heta adzin z troch klučavych składnikaŭ našaha adkazu — dalejšaja padtrymka Ukrainy ŭ toj čas, kali jana sprabuje supraćstajać rasijskaj ahresii», — skazaŭ Salivan.
Pamočnik prezidenta nie vyklučyŭ, što ŭvarvańnie Rasii va Ukrainu moža adbycca ŭžo na hetym tydni, da zakančeńnia zimovych Alimpijskich hulniaŭ u Piekinie (Hulni zavieršacca ŭ niadzielu, 20 lutaha).
Ź jaho słoŭ, na heta pakazvaje naroščvańnie Rasijaj kolkaści sił na miažy z Ukrainaj i aktyŭnyja manieŭry rasijskich vajskoŭcaŭ.
Čytajcie taksama:
Čamu Zachad tak hučna bje tryvohu nakont Ukrainy? Zdajecca, heta admysłovaja infarmacyjnaja apieracyja
Pahroza ŭvarvańnia Rasii va Ukrainu pavinna chvalavać kožnaha. Historyk Juval Noj Charary — pra toje, što čałaviectva moža stracić
Ci mahčymaje ŭvarvańnie Rasii va Ukrainu? Jak situacyja budzie raźvivacca? Vialiki analiz
Ciapier čytajuć
57‑hadovuju ŭradženku Vińnicy asudzili za kamientary ŭ telehramie. Siabie jana nazyvała «ŭkrainkaj z akupavanaha Minska»2
Kamientary