Pucin patłumačyŭ, što źbirajecca rabić z pryznańniem «DNR» i «ŁNR» paśla prośby Dziarždumy
Prezident Rasii Uładzimir Pucin siońnia skazaŭ, što budzie vyrašać pytańnie ab pryznańni samaabvieščanych «respublik Danbasa» «zychodziačy z taho, jak vyrašajecca prablema rehijona».
Na dumku Pucina, jašče, maŭlaŭ, nie da kanca realizavanyja mahčymaści pa vykanańni Minskich pahadnieńniaŭ ab urehulavańni kanfliktu.
U toj ža čas jon adznačyŭ, što deputaty Dziarždumy, jakija pryniali siońnia zvarot z zaklikam pryznać «DNR» i «ŁNR», «tonka adčuvajuć vybarščykaŭ».
I dalej Maskva, dadaŭ Pucin, budzie dziejničać na ŭkrainskaj miažy ŭ adpaviednaści, jak budzie składvacca situacyja.
Siońnia deputaty Dziarždumy prahałasavali za raspracavany raniej partyjaj KPRF prajekt pastanovy pa pytańni zvarotu da Pucina z prośbaj pryznać niezaležnaść samaabvieščanych Danieckaj i Łuhanskaj narodnych respublik. Za prajekt pastanovy prahałasavaŭ 351 deputat, 16 vykazalisia suprać, adzin ustrymaŭsia.
Taksama deputaty hałasavali i za padobny dakumient, prapanavany «Adzinaj Rasijaj», jen atrymaŭ hałasoŭ mienš, «za» było ŭsiaho 310. Roźnica pamiž imi była ŭ tym, što prajekt KPRF praduhledžvaŭ zvarot niepasredna da Pucina, a «Adzinaja Rasija» ličyć, što spačatku jon musić prajści praz MZS i Ministerstva abarony.
Hałasavańnie prachodziła na fonie vizitu ŭ Maskvu kanclera Hiermanii Ołafa Šolca.
Kamientary