Stołtenbierh: NATA vojskaŭ va Ukrainie nie maje i nakiroŭvać nie źbirajecca
Hienieralny sakratar NATA Jens Stołtenbierh vystupiŭ na śpiecyjalnym bryfinhu ŭ Brusieli ŭ suviazi z napadam Rasii na Ukrainu, ale tak i nie daŭ adnaznačnaha adkazu na pytańnie, ci akaža aljans Ukrainie vajennuju dapamohu. Pra heta piša «Jeŭrapiejskaja praŭda».
«NATA padtrymlivaje Ukrainu, znachodzicca ŭ blizkaj kaardynacyi ź ES, a taksama partniorami pa ŭsim śviecie, kab uvieści žorstkija sankcyi suprać Rasii. Sajuźniki NATA taksama doŭhi čas akazvali praktyčnuju padtrymku, kab uzmacnić Uzbrojenyja siły Ukrainy», — skazaŭ Stołtenbierh.
Hienieralnaha sakratara naŭprost spytali, ci płanuje NATA pasyłać vojski na terytoryju Ukrainy, na što jon adkazaŭ, što
«NATA budzie abaraniać usich svaich sajuźnikaŭ u vypadku napadu, i tamu była pavialičanaja prysutnaść na ŭschodnich fłanhach tysiačami vajskovych karabloŭ i samalotaŭ».
Kali jaho druhi raz zapytalisia pra toje ž, jon adznačyŭ, što NATA sprabavała pieraškodzić kanfliktu, papiaredžvajučy ab płanach Maskvy i pahražajučy sankcyjami.
«Rasija začyniła dźviery dla dypłamatyčnaha rašeńnia», — skazaŭ jon.
Paźniej Stołtenbierh dadaŭ, što NATA nie maje vojskaŭ na terytoryi Ukrainy i nie płanuje nakiroŭvać.
Stołtenbierh dadaŭ, što Paŭnočnaatłantyčny aljans źbiraje terminovy samit pa videasuviazi, kab pryniać rašeńnie ab dalejšych dziejańniach.
Što da biahučych vajennych dziejańniaŭ va Ukrainie i ahulnaj mižnarodnaj i rehijanalnaj situacyi, to Stołtenbierh adznačyŭ nastupnaje:
— Mety Rasii nie abmiežavanyja Ukrainaj, Rasija damahajecca advodu sił NATA z Uschodniaj Jeŭropy;
— NATA i Jeŭrasajuz majuć namier praciahvać palityku sankcyj suprać Rasii, navat kali heta budzie aznačać straty dla ich samich;
— Vajennaja apieracyja Rasii va Ukrainie nie ŭmacuje stratehičnuju biaśpieku Rasii;
— NATA maje namier dać Ukrainie, Hruzii, Małdovie i Bośnii i Hiercahavinie bolš dapamohi dla demakratyi;
— NATA dadatkova raźmiaściła na ŭschodzie aljansu tysiačy vajskoŭcaŭ, bolš za 100 samalotaŭ u vysokaj hatoŭnaści, zvyš 120 karabloŭ;
— NATA praciahnie pastaŭlać zbroju Ukrainie, uklučajučy sistemy SPA.
Ciapier čytajuć
Staruju kamianicu kala ratušy ŭ Mahilovie rychtavali dla haradskoha muzieja. Ciapier tam robiać ofis rasijskaha pasolstva na čale z byłym ministram «ŁNR»88
Kamientary