U Viciebsku mužčyna paŭhadziny katavaŭ žonku raspalenaj płojkaj, nanios joj 18 udaraŭ. Pakarańnie — 1,5 hoda kałonii
U Viciebsku hruzčyk adnaho z handlovych pradpryjemstvaŭ žorstka źbiŭ svaju žonku. Adnačasova 26-hadovy mužčyna prykładna paŭhadziny katavaŭ žančynu elektryčnaj płojkaj, vybivajučy ź jaje pryznańnie ŭ zdradzie, paviedamlaje sajt vitebsk.biz.
Muž i žonka žyli razam kala 6 hadoŭ. U ich troje niepaŭnaletnich dziaciej, u dačynieńni da jakich jany pazbaŭlenyja baćkoŭskich pravoŭ za złoŭžyvańnie śpirtnym. Muž žonku pastajanna źbivaŭ, ale jana jaho, jak časta vodzicca ŭ takich siemjach, abaraniała i vyharodžvała.
Adnojčy žonka złamała ruku i, jak raskazaŭ prakuror adździeła prakuratury Viciebskaj vobłaści Anton Harochaŭ, byli ŭsie padstavy padazravać, što da hetaj traŭmy datyčny muž paciarpiełaj. Ale žančyna nastojvała — jana atrymała jaje pry padzieńni pa svajoj vinie.
Adnojčy paśla čarhovaha sumiesnaha raśpićcia harełki zdaryłasia novaja siamiejnaja svarka, paśla jakoj žančyna, pakryŭdziŭšysia, pajšła na 2 tydni žyć da baćkoŭ. A kali viarnułasia, to muž abvinavaciŭ jaje ŭ sužonskaj zdradzie. A kali jana toje admaŭlała, to vyrašyŭ vybić pryznańnie siłaj.
«Abvinavačany uklučyŭ u elektryčnuju razietku płojku, pačakaŭ, pakul tempieratura nahravańnia pavysicca, — raskazaŭ prakuror. — Paśla raspalenaj płojkaj na praciahu paŭhadziny jon prypalvaŭ žančynie ruki, tvar i ściahno. A kab achviara nie vyrvałasia, abvinavačany ŭtrymlivaŭ jaje za złamanuju ruku. Adnačasova jon jaje źbivaŭ: nanios 18 udaraŭ.
Jak dadaŭ Anton Harochaŭ, padčas rasśledavańnia kryminalnaj spravy paciarpiełaja ŭsimi sposabami vyharodžvała mužčynu, a kali ŭsie fakty ździekaŭ byli dakazanyja, to prasiła jaho stroha nie karać.
U vyniku mužčyna prysudžany da pazbaŭleńnia voli na 1,5 hoda z adbyvańniem pakarańnia ŭ papraŭčaj kałonii va ŭmovach ahulnaha režymu.
Varta adznačyć, što za niehatyŭnyja kamientary ŭ sacsietkach na adras pradstaŭnika ŭłady ŭ Biełarusi lohka možna atrymać stolki sama ci navat bolš.
Ciapier čytajuć
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ7
Chočacie pahulać na viasielli, a siabry nie źbirajucca ŭ ZAHS? Akazvajecca, u Biełarusi ładziać fejkavyja viasielli dla takich vypadkaŭ
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia44
Kamientary