15 žniŭnia paśla ŭračystaj śviatoj Imšy ŭ sanktuaryi Maci Božaj Cudatvornaj u Ahłonie (Łatvija) adbyłosia aficyjnaje pryśviačeńnie łatyšskaha narodu Najśviaciejšaj Pańnie Maryi.
Akt pryśviačeńnia adbyŭsia paśla litanii, za asnovu jakoj była ŭziata malitva da Facimskaj Maci Božaj.
U cyrymonii pryniali ŭdzieł biskupy Łatvii, Apostalski nuncyj u krainie, a taksama prezident Łatvii Vałdzis Zatlers, premjer‑ministr Dambroŭskis i deputaty siejma.
«My pryśviačajem Tabie ŭsich ludziej Łatvii, usich, u čyich rukach ułada prymać žyćciova važnyja rašeńni, usich, chto ŭ rospačy, usich, u kaho nie chapaje nadziei i radaści, usich, chto nie spaznaŭ Boha i Jaho miłasernuju luboŭ. Malisia za nas, malisia za našu ziamlu, Najśviaciejšaja Panna!» — hučała ŭ malitvie.
U historyi Łatvii heta ŭžo druhoje pryśviačeńnie Maci Božaj. Upieršyniu łatyšskaja ziamla atrymała nazvu «Terra Mariana» («Ziamla Maryi») bolš za 800 hod tamu, kali siudy pryjšli pieršyja chryścijanskija misijaniery.
Ciapier čytajuć
Pamiatajecie byłoha pamiežnika, jaki staŭ dalnabojščykam i ŭ Hiermanii pryznavaŭsia ŭ lubovi da Łukašenki? Ź im biada17
Kamientary