15 жніўня пасля ўрачыстай святой Імшы ў санктуарыі Маці Божай Цудатворнай у Аглоне (Латвія) адбылося афіцыйнае прысвячэнне латышскага народу Найсвяцейшай Панне Марыі.
Акт прысвячэння адбыўся пасля літаніі, за аснову якой была ўзята малітва да Фацімскай Маці Божай.
У цырымоніі прынялі ўдзел біскупы Латвіі, Апостальскі нунцый у краіне, а таксама прэзідэнт Латвіі Валдзіс Затлерс, прэм’ер‑міністр Дамброўскіс і дэпутаты сейма.
«Мы прысвячаем Табе ўсіх людзей Латвіі, усіх, у чыіх руках улада прымаць жыццёва важныя рашэнні, усіх, хто ў роспачы, усіх, у каго не хапае надзеі і радасці, усіх, хто не спазнаў Бога і Яго міласэрную любоў. Маліся за нас, маліся за нашу зямлю, Найсвяцейшая Панна!» — гучала ў малітве.
У гісторыі Латвіі гэта ўжо другое прысвячэнне Маці Божай. Упершыню латышская зямля атрымала назву «Тerra Mariana» («Зямля Марыі») больш за 800 год таму, калі сюды прыйшлі першыя хрысціянскія місіянеры.
Цяпер чытаюць
За мінулы год насельніцтва Беларусі скарацілася яшчэ на 53 тысячы чалавек19
Каментары