5 krasavika Andreja Skurko i Jahora Marcinoviča pieraviali ź minskaj Vaładarki ŭ turmu №4 u Mahilovie. 6 krasavika sa Skurko spatkalisia mama i žonka.
Mama Andreja, Hanna Paŭłaŭna, raskazvaje, što ŭ Andreja ślozy naviarnulisia, kali jaho pryviali na spatkańnie. Jamu nie skazali, što jaho viaduć na spatkańnie, sustreča z mamaj była dla jaho niečakanaściu.
U Mahilovie dajuć spatkańnie na dźvie hadziny, a nie na adnu, jak na Vaładarcy.
Skurko trymajecca narmalna, praŭda, u jaho źjavilisia miaški pad vačyma. Insulin jamu koluć u kamiery.
U kamiery siadzić 16 čałaviek, nary dvuchiarusnyja, a nie trochiarusnyja, jak na Vaładarcy.
Pry vyjeździe ź SIZA №1 Skurku narešcie addali knihi, pieradadzienyja žonkaj, jakija trymali i nie addavali doŭhi čas.
U Mahiloŭ viaźniaŭ vieźli ciahnikom.
Pa supadzieńni, u kamiery ŭ Mahilovie znajšlisia treci i čaćviorty tamy «Vajny i miru», jakija jon nie paśpieŭ pieračytać na Vaładarcy.
Skurko vielmi rady, što praciahvajuć vychodzić biełaruskija vydańni, što stvarajucca biełaruskija komiksy, što publikujucca jaho dziciačyja vieršy na biełaruskaj movie. «Hety termin mnie byŭ dadzieny, kab zapłanavać niekalki knih», — žartuje Skurko.
Andrej Skurko — vybitny biełaruski žurnalist i litaratar, redaktar «Našaj Nivy», adzin ź niekalkich tysiač palitźniavolenych.
Padtrymajcie Andreja i Jahora listami i hrašovymi pieravodami (u adroźnieńnie ad Vaładarki, u ST-4 ich možna pasyłać i praź internet-bankinh):
ST-4, Mahiloŭ, vuł. Krupskaj, 99A, 212011.
Skurko Andreju Hienadzieviču,
Marcinoviču Jahoru Alaksandraviču.
«Nie varta marnavać nivodnaj chviliny na nianaviść». Dajšoŭ list Skurko, napisany ŭ viečar taho dnia, kali prakuror ahučyŭ termin
«Na pieršym miescy z kancertaŭ — «Akijan Elzy». Što piša z-za krataŭ Jahor Marcinovič
Ciapier čytajuć
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi44
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi4
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy8282
Kamientary