Pralot nad stadyjonam Bierlina

Biełaruskija atlety nie zavajavali nivodnaha miedala na čempijanacie śvietu pa lohkaj atletycy, što zavieršyŭsia ŭ Bierlinie 23 žniŭnia. Bieź miedaloŭ biełarusy viartalisia z suśvietnaha forumu 10 hadoŭ tamu — u 1999 h. ź ispanskaj Sievilji.

U Bierlinie bližej za astatnich była da pjedestała šturchalnica jadra Natalla Michnievič, jakaja zaniała 4‑ie miesca.

Adnosna paśpiachovym možna pryznać vystup šturchalnika jadra Paŭła Łyžyna. Ustalavaŭšy asabisty rekord (20,98 m), jon asieŭ na 6‑j pazicyi. A voś čempijon śvietu‑2003 i bronzavy pryzior Alimpijady‑2008 Andrej Michnievič z vynikam 20,74 m zaniaŭ 7‑ie miesca.

Naohuł navat pazicyi biełarusaŭ u vaśmiorcy na sioletnim pieršynstvie płaniety možna pieraličyć pa palcach adnoj ruki — takich tolki čatyry.

Aproč Natalli Michnievič, Paŭła Łyžyna i Andreja Michnieviča, zalikovyja bały nabraŭ kidalnik mołata Pavieł Kryvicki, što zavajavaŭ 8‑ie miesca.

Jury Šajunoŭ kali padychodziŭ da startu čempijanatu śvietu z 2‑m vynikam u śviecie (80,72 m), to ŭ Bierlinie 22‑hadovy spartoviec svoj patencyjał nie raskryŭ i blizka — 71,37 m i 26‑ie miesca siarod 34 udzielnikaŭ. Niaŭdała vystupiła i alimpijskaja čempijonka Piekina—2008 Aksana Miańkova, z vynikam 69,58 m jana zaniała 13‑ie miesca i nie trapiła ŭ finał.

Nie zdoleje zanieści sabie ŭ aktyŭ minuły čempijanat i vice‑čempijon Alimpijady‑2008 dziesiaciborac Andrej Kraŭčanka, što pakazaŭ tolki 10‑ty vynik.

Biełaruś była pradstaŭlena ŭ Bierlinie 26 spartoŭcami (13 spartovak i 13 spartsmienaŭ).

***

U zvodnaj tablicy, składzienaj pavodle bałaŭ, Biełaruś raźmiaściłasia na 28‑m radku siarod 62 krain, atlety čyich prabivalisia ŭ vaśmiorki najmacniejšych. Radkom vyšej raźmiaściłasia Kanada — 12 bałaŭ, śledam za Biełaruśsiu idzie Charvatyja — 10 bałaŭ. Ale ŭ kanadcaŭ majecca ŭ aktyvie siarebrany miedal, u charvataŭ zołata Błanki Vłaśnič (skački ŭ vyšyni). Usiaho na čempijanat padali zajaŭki spartoŭcy 203 krain.

U dziasiatku najlepšych kamand u kamandnym zaliku ŭvajšli ZŠA — 231 bał, Rasija — 154, Jamajka — 136, Kienija — 120, Niamieččyna — 104, Efiopija — 88, Vialikabrytanija — 81, Polšča — 73, Kuba — 51, Kitaj — 50.

U miedalnym zaliku lideram taksama stała zbornaja ZŠA — 10 załatych uznaharod, 6 srebranych i 6 bronzavych. U dziasiatku ŭvašli Jamajka — 7, 4, 2; Kienija — 4, 5, 2, Rasija — 4, 3, 6; Polšča — 2, 4, 2; Niamieččyna — 2, 3, 4; Efiopija — 2, 2, 4; Vialikabrytanija — 2, 2, 2; PAR — 2, 1, 0; Aŭstralija — 2, 0, 2. Usiaho na pjedestał uzdymalisia atlety 37 krain.

Pierad biełaruskaj kamandaj była pastaŭlena zadača zavajavać try miedali.

Najbolš uradžajnymi dla biełarusaŭ byli čempijanaty śvietu 2003 (3 zołaty, 1 srebra i 3 bronzy) i 1995 hadoŭ (2, 3, 2), kali byli zavajavanyja pa 7 pryzavych miescaŭ. Na papiarednim pieršynstvie płaniety ŭ japonskaj Osacy—2007 našy suajčyńniki atrymali try ŭznaharody (1, 1, 1).

BIEŁTA

• 0
• 0
• 0
• 0
• 0
• 0
• 0
• 0