«Jeŭraopt» vypuściŭ valutnyja ablihacyi ŭ dalarach pad kaśmičnyja 10% hadavych
«Jeŭrahandal» («Jeŭraopt», «Chit!» i «Hrošyk») vypuściŭ valutnyja ablihacyi. Raźmiaščeńnie ablihacyj pačniecca zaŭtra, 20 krasavika. Siarod valutnych ablihacyj, vypuščanych u hetym hodzie, jany dajuć samy vysoki pracent. Na 2 punkty bolšy, čym samy apietytny depazit, paviedamlaje Onliner.by.
— Naminał adnoj ablihacyi składaje 1000 dalaraŭ. Fiksavanaja staŭka dachodu — 10% hadavych u valucie. Vypłata dachodu ažyćciaŭlajecca štokvartalna, atrymany prybytak nie abkładajecca padachodnym padatkam, — udakładnili ŭ kampanii.
Termin pahašeńnia kaštoŭnych papier — 1 kastryčnika 2026 hoda. Da hetaha momantu ich možna budzie pradać na druhasnym rynku, padaryć abo vykarystać u jakaści zakładu.
— Vypłata dachodu i pahašeńnie ablihacyj pravodziacca ŭ biełaruskich rublach pa kursie Nacbanka na datu płaciažu. Pryviazka da kursu dalara ad momantu kupli da pahašeńnia harantuje abaronu źbieražeńniaŭ. Vyručka kampanii za minuły hod skłała 5,8 młrd rubloŭ, pakazaŭšy rost u 11,5%, a čysty prybytak pavialičyŭsia amal u 2,4 raza — da 105 młn rubloŭ. My — adzinaja ŭ krainie kampanija, jakaja maje kredytny rejtynh adrazu ad troch ahienctvaŭ: Fitch Ratings, Standard&Poor's i «Ekśpiert RA», — adznačyŭ pres-sakratar kampanii Jahor Chrustaloŭ. — Papiarednija 23 vypuski ablihacyj u bolšaści svajoj daŭno pahašanyja.
Nabyć ablihacyi možna biez kamisii ŭ kasach AAT «AAB Biełarusbank», dystancyjna praź internet-bankinh «Biełarusbanka» albo na inviestycyjnaj płatformie «Finap24».
Kamientary