«Еўраопт» выпусціў валютныя аблігацыі ў далярах пад касмічныя 10% гадавых
«Еўрагандаль» («Еўраопт», «Хіт!» і «Грошык») выпусціў валютныя аблігацыі. Размяшчэнне аблігацый пачнецца заўтра, 20 красавіка. Сярод валютных аблігацый, выпушчаных у гэтым годзе, яны даюць самы высокі працэнт. На 2 пункты большы, чым самы апетытны дэпазіт, паведамляе Onliner.by.
— Намінал адной аблігацыі складае 1000 даляраў. Фіксаваная стаўка даходу — 10% гадавых у валюце. Выплата даходу ажыццяўляецца штоквартальна, атрыманы прыбытак не абкладаецца падаходным падаткам, — удакладнілі ў кампаніі.
Тэрмін пагашэння каштоўных папер — 1 кастрычніка 2026 года. Да гэтага моманту іх можна будзе прадаць на другасным рынку, падарыць або выкарыстаць у якасці закладу.
— Выплата даходу і пагашэнне аблігацый праводзяцца ў беларускіх рублях па курсе Нацбанка на дату плацяжу. Прывязка да курсу даляра ад моманту куплі да пагашэння гарантуе абарону зберажэнняў. Выручка кампаніі за мінулы год склала 5,8 млрд рублёў, паказаўшы рост у 11,5%, а чысты прыбытак павялічыўся амаль у 2,4 раза — да 105 млн рублёў. Мы — адзіная ў краіне кампанія, якая мае крэдытны рэйтынг адразу ад трох агенцтваў: Fitch Ratings, Standard&Poor’s і «Эксперт РА», — адзначыў прэс-сакратар кампаніі Ягор Хрусталёў. — Папярэднія 23 выпускі аблігацый у большасці сваёй даўно пагашаныя.
Набыць аблігацыі можна без камісіі ў касах ААТ «ААБ Беларусбанк», дыстанцыйна праз інтэрнэт-банкінг «Беларусбанка» альбо на інвестыцыйнай платформе «Фінап24».
Цяпер чытаюць
Брат беларускай каралевы прыгажосці трапіў у рэанімацыю ў Азербайджане1
Каментары