Z 16 krasavika Biełaruś istotna abmiežavała ŭjezd na svaju terytoryju hruzavikoŭ ź ES. Pavodle infarmacyi rasijskaj haziety «Iźviestija», rasijski biznes prapanavaŭ uradu paŭpłyvać na Biełaruś i dapuścić pryjarytetny prajezd fur ź ES u RF dla častki tavaraŭ.
Minsielhas Rasii šukaje šlachi dla bieśpierabojnych pastavak tavaraŭ ź Jeŭropy. Ministerstva ŭžo zrabiła zapyt vytvorcam, kab sabrać śpis patrebnaj namienkłatury.
Ciapier rasijskija kampanii vymušanyja pierahružać tavary ź Jeŭropy na biełaruskaj miažy, skazali «Iźviestijam» u asacyjacyi «Ruspradsajuz». Mašyny čakajuć svajoj čarhi na pierahruz pa niekalki dzion, u vyniku chutaść transparciroŭki pavialičycca, dadali ŭ arhanizacyi.
Rasijskija kampanii chočuć, kab fury ź Jeŭropy jechali da miesca pryznačeńnia ŭ Rasii biez prypynku i pieravałki hruzu: heta abciažarvaje dastaŭku praduktaŭ, jakija chutka psujucca, bo ŭmovy zachoŭvańnia nie dazvalajuć vieźci ich z prypynkami dla pierahruzki.
Pry hetym rasijskija pieravozčyki łabirujuć va ŭradzie miery ŭ dačynieńni da jeŭrapiejskich fur, anałahičnyja ŭviedzienym biełaruskimi ŭładami.
Ciapier čytajuć
Radzilnyja damy spaborničajuć, u kaho 3 lipienia narodzicca bolš dziaciej12
Kamientary