Spynienaja kryminalnaja sprava pavodle artykuła 193‑1 suprać Jaŭhiena Voŭkava.
Spynienaja kryminalnaja sprava pavodle artykuła 193‑1 suprać Jaŭhiena Voŭkava.
Jak paviedamiŭ 20 žniŭnia pravaabaroncam centra «Viasna» Jaŭhien Voŭkaŭ, Prakuratura horada Minska spyniła kryminalnuju spravu, zaviedzienuju ŭ dačynieńni da jaho pavodle artykuła 193‑1 «Niezakonnaja arhanizacyja dziejnaści hramadskaha abjadnańnia ci fonda abo udzieł u ich dziejnaści». U červieni hetaha hoda jaho abvinavacili ŭ dziejnaści ad imia niezarehistravanaha «Ruchu jadnańnia» (Carkva Muna).
Na minułym tydni maładoha čałavieka vyklikali ŭ prakuraturu i paviedamili, što kryminalnaja sprava ŭ dačyńni jaho spynienaja, i vydali adpaviednuju papieru za podpisam starejšaha śledčaha pa najvažniejšych spravach prakuratury Minsku S. Hrachoŭskaha (jon, darečy, pieraśledavaŭ aktyvistaŭ Maładoha Frontu — Pałažanku, Korbana, Chviedaruka, Hareckaha i Janušeŭskaha), u jakoj havorycca, što śledstva skončanaje i pavodle jaho vynikaŭ «vyniesiena pastanova pra spynieńnie dziejnaści pavodle kryminalnaj spravie na padstavie art. 29 č.1 p.2, 250 — 251 KPK Respubliki Biełaruś — u suviazi z adsutnaściu składu złačynstva».
Sprava Jaŭhiena Vołkava stała pieršaj kryminalnaj spravaj, zaviedzienaj u dačynieńni da pradstaŭnikoŭ niezarehistravanych relihijnych arhanizacyjaŭ ad momantu pačatku dziejańnia artykuła 193‑1 u 2006 hodzie.
Naohuł ža z momantu ŭviadzieńnia kryminalnaj adkaznaści za dziejnaść niezarehistravanychch abjadnańniaŭ, pa artykule 193‑1 KK RB było asudžana 17 čałaviek, pry hetym nie było zafiksavana nivodnaha apraŭdaŭčaha prysuda. Hety artykuł ličycca vyklučna «palityčnym». Zaraz u krainie raspačałasia kampanija za jaho admienu, inicyjavanaja asamblejaj NDA.
Ciapier čytajuć
Byłyja žonka i dziaŭčyna Pratasieviča abjadnalisia i pryjšli da jaho novaj niaviesty, kab adpomścić. I pahražajuć sudom15
Kamientary