MZS Litvy: Zabarona na tranzit rasijskaj stali ŭ Kalininhrad — rašeńnie nie Litvy, a ES
Zabarona na tranzit pradukcyi sa stali i čornych mietałaŭ pamiž asnoŭnaj terytoryjaj Rasijaj i Kalininhradskaj vobłaściu praź Litvu — heta nie rašeńnie Litvy, a vynik sankcyj Jeŭrasajuza ŭ dačynieńni da Rasii, zajaviŭ kiraŭnik litoŭskaha MZS Habryelus Łandśbierhis.
«Pa-pieršaje, heta nie dziejańni Litvy, heta jeŭrapiejskija sankcyi, jakija buduć prymianiacca z 17 červienia, a sankcyi ŭ ciapierašni čas prymianiajucca čyhunkaj.
Jana infarmuje svaich klijentaŭ pra toje, što tavary, jakija trapili pad sankcyi z 17 červienia, — heta stal i inšaja pradukcyja, vyrablenaja z žaleznaj rudy, jakaja bolš nie budzie impartavacca praź Litvu. Heta robicca pa ŭzhadnieńni ź Jeŭrapiejskaj kamisijaj i ŭ adpaviednaści ź jaje ŭstanaŭleńniami», — zajaviŭ Łandśbierhis u paniadziełak pierad sustrečaj ministraŭ zamiežnych spraŭ ES u Luksiemburhu.
Pra hetuju zabaronu było viadoma ź siaredziny sakavika, bo jana ŭviedzienaja čaćviortym pakietam sankcyj Jeŭrapiejskaha sajuza, paviedamiŭ litoŭski Departamient mytni. Pa słovach jaho pradstaŭnika, pakiet sankcyj ES, pryniaty 15 sakavika, uvioŭ abmiežavańni na rasijskuju stal i pradukcyju z čornych mietałaŭ pa damovach, zaklučanych da 17 červienia, i z suboty ich nielha pieravozić pa terytoryi ES.
«Suchaputny tranzit pamiž Kalininhradskaj vobłaściu i inšymi rehijonami Rasii nie spynieny i nie zabłakavany. Tranzit pasažyraŭ i hruzaŭ, jakija nie trapili pad sankcyi ES, praciahvajecca.
Litva nie ŭvodziła nijakich adnabakovych, indyvidualnych ci dadatkovych abmiežavańniaŭ na hety tranzit. Nijakich dadatkovych ukazańniaŭ my nie atrymlivali i nijakich dalejšych dziejańniaŭ nie robim», — patłumačyła Lina Łaŭrynajcicie-Hryhienie, pradstaŭnica Departamienta mytni.
Pavodle jaje słoŭ, takaja ž zabarona pačnie dziejničać z 10 lipienia ŭ dačynieńni da cemientu, ałkaholu i inšaj pradukcyi, z 10 žniŭnia — u dačynieńni da vuhalu i inšych ćviordych vykapniaŭ, z 5 śniežnia — rasijskaj nafty.
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy74
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi33
Kamientary