Kačanava zajaviła, što dla jaje hałoŭnaje — nie padvieści Pucina
Staršynia Savieta Respubliki dała intervju dziaržaŭnaj prapahandzie, u jakoj nahavaryła taho, čaho raniej nie hučała.
«Ja ščyra liču, što biełarusam i rasijanam niejmavierna pašancavała, što na čale našych dziaržaŭ takija mudryja kiraŭniki — Alaksandr Łukašenka i Uładzimir Pucin. Heta vyklučnyja palityki, jakimi naŭrad ci možna stać, a treba naradzicca, — biaźmierna lubiać svaju Ajčynu, svoj narod, całkam i biez rešty pryśviačajuć siabie słužeńniu dziaržaŭnym intaresam», — skazała jana.
«U svaju čarhu naš abaviazak i maralny doŭh jak adkaznych asob, hramadskich dziejačaŭ i šarahovych hramadzian — nie padvieści biełaruskaha i rasijskich lidaraŭ.
My pavinny vučycca ŭ ich tamu, jak vybudoŭvać uzajemapavažlivaje raŭnapraŭnaje partniorstva i prosta čałaviečaje siabroŭstva, canić i bierahčy hetyja adnosiny, zabiaśpiečvać ich pierajemnaść z pakaleńnia ŭ pakaleńnie», — skazała Kačanava.
61-hadovaja Natalla Kačanava ŭźlacieła ŭ vyšejšy ešałon biełaruskaha isteblišemientu paśla taho, jak u 2014 hodzie jaje pieraviali z pasady staršyni Navapołackaha harvykankama ŭ Minsk vice-premjerkaj. U 2016 hodzie jaje pryznačyli kiraŭnicaj Administracyi prezidenta. Robiačy ŭražańnie biaskonca addanaj Alaksandru Łukašenku, Kačanava sfarmiravała mahutnuju sietku viernych sabie kadraŭ u samych roznych śfierach, prasoŭvajučy ludziej nie tolki z Połaččyny.
U 2020 hodzie mienavita Kačanava była vyznačalnaj postaćciu ŭ časie fatalnaj prezidenckaj kampanii. U 2020-m hodzie Pavieł Jakubovič vykazvaŭsia ŭ duchu taho, što pryznačeńnie Kačanavaj było «samaj vialikaj pamyłkaj Alaksandra Łukašenki».
Čytajcie taksama: Jakubovič: Samaja vialikaja pamyłka — pryznačeńnie Kačanavaj
Zhodna sa źlitymi ŭ Sieciva materyjałami sacyjałahičnaha daśledavańnia, praviedzienaha rasijskimi sacyjołahami, Kačanava — samaja niepapularnaja fihura ŭ atačeńni Alaksandra Łukašenki.
U toj ža čas niekatoryja naziralniki ličać mienavita jaje patencyjnaj pierajemnicaj Alaksandra Łukašenki abo čałaviekam, na jakoha Maskva moža zamianić ciapierašniaha kiraŭnika minskaj administracyi.
Što za čamadan nosić kala Łukašenki jahony achoŭnik? Nie, tam nie jadziernaja knopka20
Kamientary