Suŭładalnik terminała ŭ Kłajpiedzie źbirajecca vykupić akcyi «Biełaruśkalija»
Asnoŭny ŭłaśnik kampanii Biriu kroviniu terminalas, jakaja kiruje terminałam nasypnych hruzaŭ u porcie Kłajpiedy, Ihar Udavicki choča vykupić pakiet akcyj, jaki naležyć «Biełaruśkaliju», piša Reform.by.
Na praciahu mnohich hadoŭ pradukcyja «Biełaruśkalija» pastaŭlałasia na źniešnija rynki praz port Kłajpiedy. Biełaruski vytvorca pa damoŭlenaści vałodaŭ 30% akcyj BKT. Jon vykupiŭ ich u 2013 hodzie za 30 młn dalaraŭ. Adnak «Biełaruśkalij» trapiŭ pad sankcyi, a ź lutaha hetaha hoda terminał całkam pazbaviŭsia jaho hruzaŭ paśla admovy litoŭskaj čyhunki transpartavać biełaruski kalij.
Ihar Udavicki źviarnuŭsia ŭ Saviet pa kankurencyi Litvy, kab atrymać dazvoł na ździełku 24 žniŭnia. Siońnia rehulatar apublikavaŭ abjavu ab zajaŭcy z prapanovaj zacikaŭlenym asobam dać matyvavanyja zaklučeńni pra jaje.
U vyniku ździełki biznesmien stanie adnaasobnym uładalnikam terminała. Ciapier jamu prama i ŭskosna naležać 70% kampanii.
Na sustrečy Snapkova ź biznesam adzin z zaprošanych zaklikaŭ źniać videazvarot «Nado!» Jak adreahavali astatnija?12
Kamientary