Суўладальнік тэрмінала ў Клайпедзе збіраецца выкупіць акцыі «Беларуськалія»
Асноўны ўласнік кампаніі Biriu kroviniu terminalas, якая кіруе тэрміналам насыпных грузаў у порце Клайпеды, Ігар Удавіцкі хоча выкупіць пакет акцый, які належыць «Беларуськалію», піша Reform.by.
На працягу многіх гадоў прадукцыя «Беларуськалія» пастаўлялася на знешнія рынкі праз порт Клайпеды. Беларускі вытворца па дамоўленасці валодаў 30% акцый BKT. Ён выкупіў іх у 2013 годзе за 30 млн даляраў. Аднак «Беларуськалій» трапіў пад санкцыі, а з лютага гэтага года тэрмінал цалкам пазбавіўся яго грузаў пасля адмовы літоўскай чыгункі транспартаваць беларускі калій.
Ігар Удавіцкі звярнуўся ў Савет па канкурэнцыі Літвы, каб атрымаць дазвол на здзелку 24 жніўня. Сёння рэгулятар апублікаваў аб'яву аб заяўцы з прапановай зацікаўленым асобам даць матываваныя заключэнні пра яе.
У выніку здзелкі бізнэсмен стане аднаасобным уладальнікам тэрмінала. Цяпер яму прама і ўскосна належаць 70% кампаніі.
Цяпер чытаюць
Цягнік Пінск—Мінск спыніўся пад Дзяржынскам без ацяплення. Пасля прыбыцця ў сталіцу пасажыраў разабралі людзі з сацсетак і развезлі па хатах11
Каментары