Na pracesie pa spravie aktyvistaŭ niezarehistravanaj hramadzianskaj inicyjatyvy «Partnerstva», siońnia mielisia być dapytanyja śviedki abvinavačańnia. Bolšaść śviedkaŭ, u asnoŭnym heta byłyja siabry «Partnerstva», na praces nie źjavilisia. «Miarkuju jany nie žadajuć paćviardžać pakazańni, jakija ź niejkich pryčynaŭ davali śledztvu», – prakamentavaŭ sytuacyju baćka adnaho z padsudnych Valer Drančuk. Pavodle słovaŭ V.Drančuka, sudździa zapatrabavaŭ padvierhnuć śviedkaŭ prymusovamu pryvodu.
Jak viadoma, sudovaje pasiadžeńnie abvieščana začynienym, na jaho nie dapuščanyja ni žurnalisty, ni zamiežnyja dyplamaty, ni navat svajaki padsudnych. Advakaty taksama nia mohuć ničoha paviedamić, bo dali ŭ sudzie padpisku ab nieabnarodavańni źviestak.
Valer Drančuk paviedamiŭ, što siońnia svajaki i rodnyja zmahli, narešcie, ubačyć aktyvistaŭ «Partnerstva». Zvyčajna ich vyvodzili z zali sudu praz «čorny chod» i vyvozili ŭ izalatary. Siońnia padsudnych vyvieli cieraz hałoŭny ŭvachod Centralnaha sudu.
«Jany vyhladali stomlenymi, ale trymalisia mužna. My vitali ich apladysmentami», – zaznačyŭ Valer Drančuk.
Sudovaje pasiadžeńnie praciahniecca zaŭtra (1 žniŭnia), a 10-j hadzinie.
Pavodle Chartyja-97
Ciapier čytajuć
Udava Mikity Miełkaziorava ŭpieršyniu publična raskazała pra noč jaho śmierci3
Udava Mikity Miełkaziorava ŭpieršyniu publična raskazała pra noč jaho śmierci
Unikalnyja zdymki budaŭnictva Staroha mosta ŭ Hrodnie. Chto fatahrafavaŭ niebiaśpiečnyja kiesony, u jakich ludzi ryzykavali na dnie Niomana, kab pastavić apory? ŠMAT FOTA77
Kamientary