Hety čałaviek prosta ničomu nie vučycca!
Hety čałaviek prosta ničomu nie vučycca!
Premjer-ministr Italii, Silvijo Bierłuskoni, znoŭku ŭbłytaŭsia ŭ prablemy, kali nazvaŭ amierykanskaha prezidenta, Baraka Abamu, a taksama jaho žonku Mišel — «zaharełymi». Incydent adbyŭsia na schodzie partyi Bierłuskoni ŭ Miłanie, kali toj viarnuŭsia ź Pitsburha, z sustrečy kiraŭnikoŭ 20 industryjalna raźvitych krainaŭ.
Udzielnikam schodu Bierłuskoni skazaŭ, što «pieradaje sardečnyja pryvitani sa Złučanych Štataŭ, u pryvatnaści ad chłopca, jak tam jaho zvać?.. Nu, taki zahareły… A-a, Barak Abama!»
Padobnym paradkam italjanski premjer-ministr vykazaŭsia i letaś, paśla taho, jak Amieryka abrała pieršaha čornaskuraha prezidenta. Karotkaja apisalnaja charaktarystyka («Małady, pryhožy, navat z vydatnym zaharam»), dadzienaje tady italjanskim premjeram Baraku Abamu, pryŭźniała ŭ śviecie niamała ździŭlenych brovaŭ.
Ale sioleta Bierłuskoni stroiŭ kiepiki taksama za rachunak pieršaj amierykanskaj spadaryni. «Vy nie pavierycie, — skazaŭ Bierłuskoni. — Jany aboje chadzili na plaž, bo jaho žonka taksama zaharełaja».
Niby adčuŭšy, jaki žart italjanski premjer-ministr maje adpalić pa viartańni dadomu, na sustrečy ŭ Pitsburhu Mišel trymałasia ź im dosyć choładna. Amierykanskija ŚMI tranślavali karcinku, na jakich Mišel Abama vitaje šmat kaho z suśvietnych lideraŭ abdymkami i pacałunkami, ale, kali čarha dachodzić da Bierłuskoni, žonka amierykanskaha prezidenta abychodzicca adnym suchim pociskam ruki. Na fatazdymkach vyjaŭleny Bierłuskoni, jaki abhladaje sukniu Abamy zamiest taho, kab hladzieć u vočy, i padymaje ruki na znak zachapleńnia ŭbačanym, u toj ža čas, jak Barak Abama ciešycca značna mienš.
Ciapier čytajuć
U Biełarusi množacca placoŭki dla tancaŭ na śviežym pavietry — pahladzicie, jak adpalvajuć razam moładź i piensijaniery ŭ Sierabrancy6
Kamientary