Staršynia Nobieleŭskaha kamiteta patłumačyła, jak vybirali pieramožcaŭ Premii miru
Ukrainskaja słužba Bi-bi-si parazmaŭlała sa staršynioj Nobieleŭskaha kamiteta Bieryt Rejs-Andersen pra toje, čym byŭ abumoŭleny sioletni vybar łaŭreataŭ, ci mieŭ jon palityčnuju podbiŭku i ci akaža realny ŭpłyŭ na chod padziej ciapierašniaje prysudžeńnie premii.
Pa słovach Rejs-Andersen, kamitet abraŭ hetych pieramožcaŭ z metaj padkreślić važnaść hramadzianskaj supolnaści i jaje rolu ŭ luboj krainie, u pryvatnaści ŭ supraćstajańni aŭtarytarnaj uładzie.
«Śfiera Premii miru — heta nie vajna va Ukrainie, ale heta, biassprečna, vielmi surjozny jaje fon», — adznačyła staršynia kamiteta.
Jana padkreśliła, što ŭ Rasii i Biełarusi ŭłada zrabiła pradstaŭnikoŭ hramadzianskaj supolnaści i pravaabarončych arhanizacyj voraham dziaržavy, što kryŭdna i niedapuščalna.
Na jaje dumku, viaršenstva prava, pravy čałavieka i prava hołasu — a mienavita adstojvajučy ich u Biełarusi Aleś Bialacki trapiŭ za kraty — mohuć praduchilać vojny i mohuć pakłaści im kaniec.
Staršynia kamiteta adznačyła, što zhodna z volaj Alfreda Nobiela ichni mandat zaklučajecca ŭ tym, kab vyznačać asobu abo arhanizacyju, jakija ŭnieśli najbolšy ŭniosak u spravu miru za minuły hod. Jana dadała, što nie ličyć, što ŭručeńnie akaža nieadkładny ŭpłyŭ, bo «ŭ ciapierašniaj situacyi heta absalutna nierealna». Ale adznačyła, što hetaje rašeńnie pryniali «ŭ miežach voli Alfreda Nobiela, kryteryjaŭ braterstva pamiž narodami».
Na pytańnie ab tym, ci nie lepš było dać hetuju premiju Zialenskamu abo Navalnamu — ludziam, što majuć bolš šyrokaje suśvietnaje pryznańnie — staršynia kamiteta adkazała: «Suśvietnaje pryznańnie — heta nie toje, što my biarem pad uvahu. I my nikoli nie kamientujem, chto nie atrymaŭ premiju. My ličym, što tyja, chto ŭnosić układ u spravu miru, heta nie ludzi, jakija viaduć vajnu. A pakazvajem na tych, chto ciapier moža źmianić situacyju».
«Vojny možna raźviazvać nie tolki vajennymi srodkami. Paŭstańnie ludziej, supraciŭ i pratesty adyhryvali važnuju rolu. I my ličym, što našy pieramožcy buduć praciahvać heta rabić», —reziumavała Bieryt Rejs-Andersen.
Va Ukrainie ŭručeńnie Nobieleŭskaj premii ŭkraincam razam z rasijanami i biełarusami vyklikała zbolšaha admoŭnuju reakcyju. Vykazvajucca navat mierkavańni, što pravaabarončamu «Centru hramadzianskich svabod» varta ŭ znak pratestu ad jaje admovicca.
Čytajcie taksama:
«Viasna»: Hałoŭnaja nadzieja — što Nobieleŭskaja premija stanie mahčymaj pryčynaj vyzvaleńnia Alesia Bialackaha
Aleś Bialacki atrymaŭ Nobieleŭskuju premiju miru
Ciapier čytajuć
Z YouTube vydalili kanały BiełTA, STB i ANT. Ułady pahražajuć kontrmierami44
Kamientary
Ja pomniu kak on užom viłsia i hovorił, čto nado posmotrieť v hłaza putinu i prosto pieriestať strielať. Kak raźminirovali vsiu vostočnuju hranicu Ukrainy s rosijej. Kak sokratili armiju, ostanovili razrabotki svoich pierśpiektivnych rakiet Nieptun. Dla napadajuŝieho vovy eto był samyj udobnyj priezidient v Ukrainie, kotoryj chotieł na majskije na šašłyki, krutiť po vsiej rosii svoi sieriały "svaty" i do sich por nie prodał svoi studii. Baryha na krovi v obŝiem.