Załužny: Za sutki pad kantrol Ukrainy viarnulisia 12 nasielenych punktaŭ
Hałoŭnakamandujučy USU Valeryj Załužny admoviŭsia paćvierdzić, što rasijskija vajskoŭcy sapraŭdy pakinuli Chierson. Pry hetym, pavodle jaho słoŭ, tolki za apošnija sutki pad kantrol Ukrainy pierajšli 12 nasielenych punktaŭ.
«Mierkavany adychod z Chiersona — heta vynik našych aktyŭnych dziejańniaŭ, — zajaviŭ Załužny. — Niepasredna na Chiersonskim kirunku siły abarony Ukrainy razburyli łahistyčnyja šlachi i sistemu zabieśpiačeńnia, parušyli sistemu kiravańnia vojskami praciŭnika. Tym samym nie pakinuli vorahu vychadu, akramia ŭciokaŭ».
U toj ža čas Załužny zajaviŭ, što ciapier nie moža ni paćvierdzić, ni abvierhnuć infarmacyju ab zajaŭlenym vyvadzie rasijskich vojskaŭ z Chiersona. Pa jaho słovach, USU praciahvaje nastup u adpaviednaści z ułasnym płanam.
Z 1 kastryčnika prasoŭvańnie, pavodle jaho słoŭ, skłała da 36,5 km uhłyb pazicyj praciŭnika, ahulnaja płošča advajavanaj terytoryi dasiahaje 1381 kvadratnyja kiłamietry, adnoŭleny kantrol nad 41 nasielenym punktam.
Ukrainskija ŭłady pakul strymana reahujuć na zajavy Rasii ab advodzie vojskaŭ. Jany kazali, što pakul prykmiet realnaha vyvadu vojskaŭ nie bačać, i što rasijskaja hrupoŭka na pravym bierazie vybudavała rubiažy i hatovaja abaraniacca.
Bondarava zachacieła dvuchmoŭja, jak u Finlandyi. My taksama za6
Kamientary