Залужны: За суткі пад кантроль Украіны вярнуліся 12 населеных пунктаў
Галоўнакамандуючы УСУ Валерый Залужны адмовіўся пацвердзіць, што расійскія вайскоўцы сапраўды пакінулі Херсон. Пры гэтым, паводле яго слоў, толькі за апошнія суткі пад кантроль Украіны перайшлі 12 населеных пунктаў.
«Меркаваны адыход з Херсона — гэта вынік нашых актыўных дзеянняў, — заявіў Залужны. — Непасрэдна на Херсонскім кірунку сілы абароны Украіны разбурылі лагістычныя шляхі і сістэму забеспячэння, парушылі сістэму кіравання войскамі праціўніка. Тым самым не пакінулі ворагу выхаду, акрамя ўцёкаў».
У той жа час Залужны заявіў, што цяпер не можа ні пацвердзіць, ні абвергнуць інфармацыю аб заяўленым вывадзе расійскіх войскаў з Херсона. Па яго словах, УСУ працягвае наступ у адпаведнасці з уласным планам.
З 1 кастрычніка прасоўванне, паводле яго слоў, склала да 36,5 км углыб пазіцый праціўніка, агульная плошча адваяванай тэрыторыі дасягае 1381 квадратныя кіламетры, адноўлены кантроль над 41 населеным пунктам.
Украінскія ўлады пакуль стрымана рэагуюць на заявы Расіі аб адводзе войскаў. Яны казалі, што пакуль прыкмет рэальнага вываду войскаў не бачаць, і што расійская групоўка на правым беразе выбудавала рубяжы і гатовая абараняцца.
-
Зяленскі заявіў пра гатоўнасць да мірнага пагаднення з размежаваннем па цяперашняй лініі фронту
-
У Расіі чарговы рэгіён скараціў выплаты сем’ям загінулых на вайне супраць Украіны
-
Адрэзаў сабе ступню нажом для тушонкі і працягваў ваяваць. Гісторыя ўкраінца, якога эвакуявалі беспілотнікам пасля 491 дня на пазіцыі
Малодшы сын Сахашчыка абвешчаны зніклым без вестак. Выглядае, ён ваяваў за Расію88
Каментары